كەزدەسۋ بارىسىندا ەلباسى ىنتىماقتاستىقتىڭ العاشقى كۇندەرىنەن باستاپ قازاقستان مەن تاجىكستاننىڭ بەرىك دوستىققا جانە سەنىمگە نەگىزدەلگەن قاتىناستار ورناتقانىن اتاپ ءوتتى.
– دوستىعىمىز جىلدان-جىلعا نىعايىپ كەلەدى. ءسىز الەمدەگى كۇردەلى جاعدايدا تاجىكستاندى باسقارىپ وتىرسىز. ەلدەرىڭىز ءدايەكتى دامىپ, تۇراقتىلىق قامتاماسىز ەتىلۋدە, – دەدى نۇرسۇلتان نازارباەۆ.
قازاقستاننىڭ تۇڭعىش پرەزيدەنتى ەكىجاقتى قاتىناستار باۋىرلاس حالىقتاردىڭ يگىلىگى ءۇشىن الداعى ۋاقىتتا دا نىعايا بەرەتىنىن ايتتى.
ەمومالي راحمون نۇرسۇلتان نازارباەۆتىڭ باسشىلىعىمەن قازاقستاننىڭ قارقىندى دامىعانىن اتاپ ءوتتى.
– مەن قازاقستاننىڭ كوز الدىمىزدا قالاي وزگەرگەنىن كوردىم. ەلوردادا وتكەن العاشقى كەزدەسۋلەر مەنىڭ ەسىمدە جانە ونىڭ قانشالىقتى وزگەرگەنىن كورىپ وتىرمىن. وڭ وزگەرىستەر قالادا عانا ەمەس, بۇكىل ەلىڭىزدە ءجۇرىپ جاتىر. بۇل – ءسىزدىڭ تابىستى جۇمىسىڭىزدىڭ, دانا ءجانە كورەگەن ساياساتىڭىزدىڭ ءناتيجەسى, – دەدى تاجىكستاننىڭ پرەزيدەنتى.