مەملەكەت باسشىلارى ەكىجاقتى بايلانىستاردى جانە حالىقارالىق ۇيىمدار اياسىنداعى ءوزارا ءىس-قيمىلداردى تالقىلادى. بۇل تۋرالى اقوردانىڭ ءباسپاسوز قىزمەتى حابارلادى.
– ءبىز مولدوۆامەن ىنتىماقتاستىقتى نىعايتۋعا جانە ساۋدا-ەكونوميكالىق سەرىكتەستىكتى ودان ءارى كەڭەيتۋگە نيەتتىمىز. ءوزارا قارىم-قاتىناستارىمىزدى دامىتۋ ءۇشىن بىزدە بارلىق مۇمكىندىك بار دەپ ويلايمىن, – دەدى قاسىم-جومارت توقاەۆ.
مولدوۆا رەسپۋبليكاسىنىڭ پرەزيدەنتى جىلى قابىلداعانى ءۇشىن ريزاشىلىق ءبىلدىرىپ, مەملەكەتارالىق ديالوگتىڭ جەمىستى سيپاتىن ايتتى.
– ەلدەرىمىز اراسىندا دوستىق قاتىناستار ورناعان. 30-دان استام ەكىجاقتى كەلىسىمدەرگە قول قويىلدى. 12 قۇجات قارالۋدا. مولدوۆا ءۇشىن ەۋرازيالىق ەكونوميكالىق وداقپەن ينتەگراتسيالىق ۇدەرىس ماڭىزدى سانالادى. بۇل باعىتتا ءبىزدىڭ الدىمىزدا اۋقىمدى جۇمىس تۇر, – دەدى يگور دودون.