«قۇتتى مەكەنىمىزدىڭ 150 جىلدىق مەرەيتويىنا ارنالعان كوپتەگەن ءىس-شارا اتقارىلىپ كەلەدى. وزدەرىڭىزبەن سول شارالاردىڭ كۋاسى بولىپ وتىرعانىما قۋانىشتىمىن. قالامىز كۇننەن-كۇنگە كوركەيىپ, دامۋ ۇستىندە. 150 جىل ىشىندە اقتوبە ەلىمىزدىڭ ءىرى شاھارلارىنىڭ بىرىنە اينالۋى ۇلكەن ماقتانىش ءارى ابىرويلى ناتيجە» دەدى وبلىس اكىمى وڭداسىن ورازالين.
ۆ.ف.زينچەنكو – 1874 جىلى ۆوزنەسەنسك قالاسىندا جۇمىسشى وتباسىندا دۇنيەگە كەلگەن, ازاماتتىق سوعىستان كەيىن حالىق شارۋاشىلىعىن دامىتۋعا, ەڭ الدىمەن, قازاقستانداعى تەمىر جول كولىگىن قالپىنا كەلتىرۋگە بەلسەنە قاتىسقان.
سونىمەن قاتار, ءوڭىر باسشىسى وڭداسىن ورازالين ش. بەرسيەۆا كوشەسىندە سالىنعان جەراستى وتكەلىنىڭ اشىلۋ سالتاناتىنا قاتىستى. جاڭا جەراستى وتكەلىن «TransMostGroup» جشس قالانىڭ مەرەيتويىنا سىيعا تارتتى. وبلىس اكىمى ءوڭىردىڭ دامۋىنا ۇلەستەرىن قوسقان ازاماتتارعا «اقتوبەنىڭ 150 جىلدىعى» توسبەلگىسىن تابىستادى. اتالعان يگى شارا, اسەرەسە, وسىنداعى جەرگىلىكتى تۇرعىندار ءۇشىن قۋانىشتى جاعداي بولىپ وتىر.
بۇدان سوڭ, ايماق باسشىسى «سەلماش» اۋدانىنداعى اۆتوكولىكتەردىڭ جۇرۋىنە ارنالعان كوپىر قۇرىلىسىنىڭ جۇمىسىمەن تانىستى. قۇرىلىس وتكەن جىلدىڭ ناۋرىز ايىندا باستالعان. جۇمىس كەزەڭ-كەزەڭىمەن جۇرگىزىلىپ, جالپى 19 ايدا اياقتالۋى ءتيىس. وبلىس اكىمى وڭداسىن ورازالين مەردىگەر مەكەمەگە جۇمىستى قارقىندى ءارى ساپالى جۇرگىزۋدى تاپسىردى. اتالعان كوپىر كۇرە تامىر ىسپەتتەس بولعاندىقتان, اۆتوكولىكتەردىڭ ەركىن جۇرۋىنە تەزدەتىپ جاعداي جاساۋ قاجەتتىگىن ايتتى.