بۇرىن كوپ بايقالماعان كوبەلەكتەردىڭ كوبەيۋى جۇرتشىلىقتىڭ كوڭىلىن الاڭداتقان. «رەسپۋبليكالىق فيتوسانيتاريالىق دياگونوستيكا جانە بولجامدار ادىستەمەلىك ورتالىعى» مەملەكەتتىك مەكەمەسىنىڭ اگرونوم-ەنتومولوگ مامانى اسىلحان توسقىنباي ۇلى ودان قورقاتىن ەشتەڭە جوق ەكەنىن ايتادى.
«ونى وشاعانشى كوبەلەگى دەپ اتايدى. ول دالالىق ساناتىنا جاتقىزىلادى. كوبەلەكتىڭ اتالعان ءتۇرى قىزىلوردا وبلىسىنىڭ ەكى شەتىندەگى ارال جانە جاڭاقورعان اۋداندارىنان وزگەسىندە بايقالىپ وتىر. ول قىزىلقۇم بەتكەيىنەن كەلدى دەگەن بولجام بار. بۇل كوبەلەك مىڭجاپىراق, تۇيەتىكەن, سارىقالۋەن, اقباستى جۋسان جانە كەيبىر اعاشتىڭ جاپىراقتارىمەن قورەكتەنەدى. وشاعانشى كوبەلەگى تابيعاتقا زيانسىز. دەسە دە, ونىڭ قۇرتتارى اۋىل شارۋاشىلىعىنا زيان الىپ كەلۋى مۇمكىن. قازىر بۇل كوبەلەكتەر ءبىزدىڭ وڭىردە قورەك ىزدەپ ءجۇر. ولاردىڭ قونىستانۋ مەرزىمى ءساۋىر مەن قازان ايلارىنىڭ ارالىعىن قامتيدى», - دەيدى ول.
قىزىلوردا وبلىسى