كۇنى كەشە ايتۋلى جارىستىڭ جەرەبەسى تارتىلىپ, قاي كوماندانىڭ قاي توپتا وينايتىنى انىقتالدى. بيىل نۇر-سۇلتاندا وتكەن ءبىرىنشى ديۆيزيونداعى دودادا دارا شىققان قازاقستاننىڭ حوككەيشىلەرى كەلەسى جىلى شۆەيتساريادا جالاۋى جەلبىرەيتىن باسەكەدە «ۆ» توبىندا ونەر كورسەتەدى. ءبىزدىڭ قارسىلاستارىمىز – رەسەي, فينليانديا, اقش, گەرمانيا, لاتۆيا, نورۆەگيا جانە يتاليا قۇرامالارى. ال «ا» توبىندا كانادا, شۆەتسيا, چەحيا, شۆەيتساريا, سلوۆاكيا, دانيا, بەلارۋس جانە ۇلىبريتانيا كوماندالارى سايىسقا تۇسەدى.
الەم چەمپيوناتىنىڭ ەرەجەسىنە ساي سوڭعى ورىنداردا قالىپ قويعان قوس كوماندا كەلەسى جىلى مىقتىلارمەن كۇش سىناسۋ مۇمكىندىگىنەن ايىرىلادى. بۇل جولى اۋتسايدەرلەردىڭ جاعدايى تىپتەن قيىن بولماق. ولاي دەۋگە نەگىز, بەلارۋس پەن لاتۆيا كوش سوڭىندا قالعان جاعدايدىڭ وزىندە ەليتالىق ديۆيزيوندا قالادى. ويتكەنى, 2021 جىلعى الەمدىك دودا ءدال سول مەملەكەتەردە وتەدى. سوندىقتان دا جەرلەستەرىمىز وسى جارىستا بارىنشا ناتيجەلى ويىن ورنەگىن كورسەتۋگە ءتيىس.