بايقاۋعا قاتىسۋشىلار ءۇش كەزەڭ بويىنشا باق سىناپ, قىزمەت بارىسىنداعى كاسىبي شەبەرلىكتەرىمەن قاتار قازاق, ورىس, اعىلشىن تىلدەرىن ەركىن مەڭگەرگەن مامان ەكەندىكتەرىن دالەلدەدى. ماسەلەن, ۇمىتكەرلەر «ۇلتتانىم» دەپ اتالاتىن ءبىرىنشى كەزەڭدە «قازىرگى جاستاردىڭ زياندى ادەت-ق ۇلىقتارى», «قازاقتىڭ رۋحاني كيەلى, قاسيەتتى جەرلەرى» دەگەن سياقتى ءار ءتۇرلى تاقىرىپتارداعى سۇراقتارعا جاۋاپ بەرىپ, مەملەكەتتىك ءتىل مەن ۇلتتىق داستۇرگە قانىقتىعىن بايقاتسا, «تۇساۋكەسەر» كەزەڭىندە ءۇش تىلدە قويىلعان ساۋالدارعا تاپقىر دا ۇتىمدى جاۋاپ بەرۋىمەن ەرەكشەلەندى. ال «ونەرتانىم» اينالىمىندا بايقاۋعا قاتىسۋشى مەملەكەتتىك قىزمەتكەرلەر اعىلشىن تىلىندە ءان سالىپ, ولەڭ وقىدى.
بايقاۋ قورتىندىسى بويىنشا تالعار اۋدانىنان كەلگەن جاس مەملەكەتتىك قىزمەتشى ەلميرا ەرنيازوۆا باس جۇلدەگە يە بولدى. ال ءبىرىنشى ورىندى تالدىقورعاندىق ءامىر تۇياقباەۆ جەڭىپ السا, ەكىنشى ورىن دا وسى قالادان قاتىسقان ۇمىتكەر دانيار ساعىمبەكوۆكە بۇيىردى. بايقاۋدىڭ جۇلدەلى ءۇشىنشى ورنىن رايىمبەك اۋدانىنان كەلگەن ايدانا مەلىس پەن كوكسۋلىق قۋانىش جۇمات ەنشىلەدى.