كەزدەسۋ بارىسىندا قوس تاراپ ءوزارا ىنتىماقتاستىق تەتىكتەرى جايىن تالقىلاپ, ەكىجاقتى قاتىناستاردى دامىتۋ تۋرالى پىكىر الماستى. قالا اكىمى گەرمانيانى سەنىمدى سەرىكتەس ءارى تۇراقتى ينۆەستور دەپ سانايتىنىن, بارلىق سالادا ىنتىماقتاستىق بايلانىستى دامىتۋعا ىنتالى ەكەنىن جەتكىزدى.
ەلشى ءوز كەزەگىندە شىمكەنت اۋماعىندا جۇزەگە اساتىن جوبالارعا نەمىس كاسىپكەرلەرى قاتىسۋعا دايىن ەكەنىن جانە سول ارقىلى ىسكەرلىك ىنتىماقتاستىقتى دامىتۋعا نيەتتى ەكەنىن ءبىلدىردى.
بۇگىنگى تاڭدا شىمكەنتتەگى «Karlskrona LC AB», «AsiaTrafo», «بال تەكستيل», «AZALA Textile» سىندى ءىرى كاسىپورىندار الدىڭعى قاتارلى نەمىس كومپانيالارىنىڭ تەحنولوگيالارى مەن جابدىقتارىن قولدانادى. ال, «شىمكەنتتسەمەنت» اق «Heidelbergcement» كومپانياسىنىڭ قاتىسۋىمەن تسەمەنت زاۋىتىن جاڭعىرتۋ جوباسىن جۇزەگە اسىردى.