تارازدا باسكەتبولدان 16 جاسقا دەيىنگى جاسوسپىرىمدەر اراسىنداعى قۇرلىق چەمپيوناتىنا ورتالىق-ازيا ايماقتىق ىرىكتەۋ سىنى اياقتالدى. تۋرنيردەگى سوڭعى ماتچتا وزبەكستاننان باسىم تۇسكەن قازاقستان كومانداسى ازيا چەمپيوناتىنا جولداما الدى دەپ حابارلايدى Olympic.kz.
وزبەكستانمەن وتكەن كەزدەسۋ ءبىزدىڭ سپورتشىلار ءۇشىن وتە ماڭىزدى بولاتىن. ويتكەنى, تاپ وسى ماتچتان سوڭ قۇرلىقتىق سىنعا كىمدەردىڭ باراتىنى انىقتالدى. فينالعا دەيىن قارسىلاستارىن ايقىن باسىمدىقپەن ۇتقان وزبەكستاندىقتار اقتىق سىندا 49:82 ەسەبىمەن ءبىزدىڭ كومانداعا جول بەردى.
جارىس قورىتىندىسى بويىنشا قازاقستان ءبىرىنشى, وزبەكستان ەكىنشى, تۇركمەنستان ءۇشىنشى ورىن يەلەندى.
قازاقستان ساپىنان 15 ۇپاي جيناعان ستەفان رومانەنكو ۇزدىك ويىنشى اتاندى.