– بۇل ءبىزدىڭ قالا ءۇشىن وتە ماڭىزدى وقيعا. مەملەكەت باسشىسى حالىقتىڭ الەۋمەتتىك جاعدايىنىڭ باستى ءبىر كورسەتكىشى بولىپ تابىلاتىن مەديتسينالىق قىزمەت كورسەتۋدىڭ ساپاسىنا زور كوڭىل ءبولىپ كەلەدى, - دەپ اتاپ ءوتتى ايماق باسشىسى.
اۋرۋحانانىڭ باس دارىگەرى بانۋرجان جاڭعالوۆتىڭ ايتۋى بويىنشا, بۇل كومپيۋتەرلىك توموگراف كورسەتىلىمىنىڭ ايقىندىلىعىمەن, ءتورت مارتەلىك زەرتتەۋ كولەمىن ورىنداۋىمەن جانە ساۋلە جۇكتەمەسىنىڭ ازدىعىمەن ەرەكشەلەنەدى. كۇنىنە 20-25 زەرتتەۋ جۇرگىزۋ جوسپارلانىپ وتىر. كابينەت تاڭەرتەڭگى ساعات 8.00-دەن كەشكى 20.00-گە دەيىن جۇمىس ىستەيدى.
جوعارى ساپالى توموگرافتىڭ قولدانىلۋى ينسۋلت, تىنىس ورگاندارى اۋرۋلارىندا, قاتەرلى ىسىكتىڭ پايدا بولۋىندا, قان اينالىمى جۇيەسىنىڭ بۇزىلۋىندا, اس قورىتۋ ورگاندارى مەن اعزانىڭ باسقا دا مۇشەلەرىنىڭ سىرقاتىندا دياگنوستيكانى ەرتە قويۋ ءۇشىن اسا ماڭىزدى. كومپيۋتەرلىك دياگنوستيكا تەگىن مەديتسينالىق كومەكتىڭ كەپىلدەندىرىلگەن كولەمى اياسىندا, سونداي-اق, اقىلى نەگىزدە جۇزەگە اسىرىلاتىن بولادى. باعاسى قاجەتتى زەرتتەۋدىڭ تۇرىنە بايلانىستى 10 000 تەڭگەدەن 25 000 تەڭگەگە دەيىنگى ارالىقتا.
قالالىق كوپبەيىندى اۋرۋحانانىڭ ءۇش قاباتتى عيماراتىندا 2018 جىلى 55 ميلليون تەڭگەنىڭ كۇردەلى جوندەۋى جۇرگىزىلگەن بولاتىن. بيىلعى جىلى جەرگىلىكتى بيۋدجەتتىڭ قارجىسى ەسەبىنەن 58,6 ميلليون تەڭگەنىڭ قىمبات تۇراتىن رەنتگەن قوندىرعىسىن ورناتۋ كوزدەلۋدە.
اقمولا وبلىسى بويىنشا تۇتاستاي العاندا 2018 جىلمەن سالىستىرعاندا مەديتسينالىق تەحنيكامەن جانە مەديتسينالىق باعىتتاعى بۇيىمدارمەن جاراقتاندىرىلۋ ديناميكاسى 10 پروتسەنتكە ءوسىپ وتىر. 2019 جىلى جەرگىلىكتى بيۋدجەت ەسەبىنەن دەنساۋلىق ساقتاۋ نىساندارىن تەحنيكالىق جاراقتاندىرۋعا 1,5 ميلليارد تەڭگە قاراستىرىلعان.