بۇل كۇندەرى ەلىمىزدىڭ بىرقاتار تانىمال بوكسشىلارى الماتىدا باس قوسىپ, كەڭەس وداعىنىڭ باتىرى, حالىق قاھارمانى ساعادات نۇرماعامبەتوۆتىڭ مەموريالىندا كۇش سىناسۋدا.
ارمياشىلاردىڭ ورتالىق سپورت كلۋبىندا (اوسك) ءوتىپ جاتقان ايتۋلى جارىستىڭ جالاۋى بيىل 23 مارتە جەلبىرەپ وتىر. بۇل كۇندەرى كۇللى قازاقستاننىڭ ماقتانىشىنا اينالعان مۇحتارحان دىلدابەكوۆ, گەننادي گولوۆكين, گاليب دجافاروۆ, سەرىك ەلەۋوۆ, باقتيار ارتاەۆ, سەرىك ساپيەۆ, ەركەبۇلان شىناليەۆ, ءبىرجان جاقىپوۆ, دانيار ەلەۋسىنوۆ, جانىبەك ءالىمحان ۇلى جانە تاعى باسقا شوق جۇلدىزداردىڭ كەزىندە وسى دودادا ونەر كورسەتكەنىن جانكۇيەرلەر ۇمىتا قويعان جوق.
بيىلعى تۋرنيردە قىتاي, موڭعوليا, رەسەي, وزبەكستان, تاجىكستان, قىرعىزستان جانە قازاقستاننىڭ بارلىق وڭىرىنەن كەلگەن بىلعارى قولعاپ شەبەرلەرى باق سىناۋدا.