ياعني, جوبا اياسىندا بيىلعى 13-22 ماۋسىمى ارالىعىندا ەلىمىزدىڭ بارلىق وڭىرلەرىندە 7 مەن 13 جاس ارالىعىنداعى بالالار اراسىندا ىرىكتەۋ كەزەڭدەرى وتەدى. ونەرپازداردى تاڭدايتىن, دايىندايتىن كاسىبي ونەر ادامدارى, تانىمال انشىلەر الدىن الا بەكىتىلگەن.ءان, ونەر بايقاۋىنا قاتىسۋ ءۇشىن كاستينگكە وبلىستىڭ بارلىق اۋىل, قالالارىنان ونەرلى بالالار كەلدى.
- ولاردىڭ بارلىعى دا تالانتتى, - دەيدى ءان بايقاۋىنىڭ قازىلار القاسى. بىراق, ونەر بايقاۋىنىڭ شارتى بويىنشا «بالا داۋىسى – 2019» بايقاۋىنىڭ كەزەكتى ءفيناليسى بولىپ وڭىردەن ءبىر ءانشى عانا تاڭدالۋى كەرەك.
ءانشى ارمان قوڭىردىڭ ايتۋىنشا, بۇل ونەر بايقاۋى ەلىمىزدىڭ بارلىق تالانتتى بالالارىن جينايدى. پاۆلودارداعى بايقاۋعا 100-گە جۋىق بالا قاتىسىپ ونەر كورسەتتى. باستىسى بالالار ورىنداعان اندەر-ءار جۇرەكتەن ورىن تابا ءبىلۋى ءتيىس.
- ءار ءوڭىردىڭ مىندەتى-دارىندى بالانى تابۋ. ويتكەنى, وڭىرلەردە تالانتتى بالالار از ەمەس. ءبىزدىڭ جوبانىڭ ماقساتى- وسى تالانتتاردىڭ جارىققا شىعارۋ- ,دەيدى پروديۋسەر, ءادىل قازىلار مۇشەسى فاريدا نيازوۆا.
بيىل وڭىرلەردەگى ءان تىڭداۋ فورماتى وزگەردى: ەندى زالدا ءان ورىنداۋشىلاردىڭ بارلىعى دا, اتا-انالارى دا بىرگە كورە الادى. بۇل تالانتتى بالالاردىڭ ءبىرى-بىرىنە دەگەن جاقىن بولۋىن, بايقاۋعا دايىندىق بارىسىندا ءبىر-بىرىمەن تانىسىپ, ارالاسۋىنا جاقسى مۇمكىندىك بەرەدى.ءان جوباسىنا قاتىسقان جۇزگە جۋىق بالانىڭ اراسىنان ادىلقازىلاردىڭ تاڭداۋى 6 سىنىپ وقۋشىسى شىڭعىس اسىعات ۇلىنا ءتۇستى.
شىڭعىس وبلىس ورتالىعىنداعى ى.التىنسارين اتىنداعى دارىندى بالالارعا ارنالعان گيمنازيا – ينتەرناتىندا وقيدى.
- ءوزىمنىڭ اۆتورلىق ءانىم استانامىز – «نۇر-سۇلتان». ءسوزى مەن ءانى اسىعات تۇرعانبەكوۆ, اكەمدىكى. ەكىنشى ايتقان ءانىم – ول فرانتسۋز تىلىندە «پاردون مۋا» اۋدارماسى ايتقاندا «كەشىر مەنى», ميرەي ماتەنىڭ رەپەرتۋارىنان. ءۇشىنشى ءانىم – «Show Must Go On», Queen توبىنىڭ رەپەرتۋارىنان,- دەيدى شىڭعىس.
- پاۆلودار ءوڭىرى جەڭىمپاز ورەندەرىمەن بەلگىلى. 2016 جىلى جەرگىلىكتى دۋەت گران-پري السا, 2018 جىلى 2-ورىندى اناستاسيا ميحايليۋك الدى. سىزدەردە كۇن سۋىق بولعانىمەن, بالالار داۋىسى جىلىلىق شاشادى. ەكىنشى جىل العاشقى ورىنداردى الۋدا,-دەيدى پروديۋسەر فاريدا نيازوۆا.
ەندى شىڭعىس اسىعات ۇلى 25 مەن 27 قازاندا الماتىدا وتەتىن فينالدا وبلىس اتىنان ونەر كورسەتەدى.
پاۆلودار وبلىسى
سۋرەتتى تۇسىرگەن ولگا بۋگاەۆا