جازعى كەزەڭنىڭ باستالۋىمەن توتەنشە جاعدايلار دەپارتامەنتى ءورتتىڭ الدىن-الۋ بويىنشا جۇمىستارىن جۇرگىزەدى.
«ءبىز تۇرعىندارعا دالا مەن ورماندا ءورت قاۋىپسىزدىگى ەرەجەلەرىن ساقتاۋ قاجەتتىگى تۋرالى حاباردار ەتەمىز, ءورت قاۋىپسىزدىگى ەرەجەلەرىن ساياجاي ۋچاسكەلەرىنىڭ يەلەرىنە تۇسىندىرەمىز. جازعى كەزەڭنىڭ باستالۋىمەن تۇرعىندار قۋراعان اعاش, ءشوپتى تازالاپ, سودان كەيىن ونى ورتەپ جىبەرۋى كەرەك. جەل كۇنى نەمەسە ءورتتىڭ باسقا قاۋىپ-قاتەرلەرىندە بۇل جۇمىستاردى جۇرگىزۋگە قاتاڭ تىيىم سالىنادى», دەيدى توتەنشە جاعدايلار دەپارتامەنتىنىڭ ازاماتتىق قورعانىس سالاسىنداعى تاۋەكەلدەردى تومەندەتۋ, اپاتتار جانە باقىلاۋ دەپارتامەنتىنىڭ باسشىسى ورال ءابدىراحمانوۆ.
بۇدان باسقا, ءورتتىڭ الدىن-الۋ ماقساتىندا وت جاققان وشاقتاردى قاراۋسىز قالدىرماۋ, تۇرمىستىق تەحنيكانى قوسىلعان كۇيى قالدىرماۋ, بالالارعا ورتپەن ويناۋعا قاتاڭ تىيىم سالۋ جانە قاۋىپسىزدىك ءۇشىن وڭتايلى جەردە سۋدىڭ جەتكىلىكتى قورىن دايىنداپ قويۋ كەرەك.
«وتكەن جىلى تىكەلەي كۇن ساۋلەسىنەن ورتتەنگەن جاعدايلار بولدى. بۇل «لينزا ەففەكتىسى» دەپ اتالادى. سوندىقتان, شىنى ىدىستى كۇندە قالدىرۋدىڭ قاجەتى جوق, بوس شولمەكتەردى قوقىسقا تاستاڭىز جانە ولاردى بەرىلگەن كەڭىستىكتە قاتاڭ تۇردە جيناڭىز. وتكەن جىلى قۋراعان اعاش پەن ءشوپتىڭ جانۋى بويىنشا 33 وقيعا تىركەلدى. جىل باسىنان بۇل كورسەتكىش 55-كە جەتتى, ياعني ءوسۋ بايقالادى. بىراق بۇل ىستىق اۋا رايىنىڭ قولايسىزدىعىمەن تۇسىندىرىلەدى», - دەدى و.ءابدىراحمانوۆ.
دالا, ورمان جانە پاركتەر اۋماقتارىنا كەلسەك, ءتيىستى سەرۆيستىك ۇيىمدار بار. مىسالى, ۋاكىلەتتى ورگاننان باسقا «استانا-ورمانى» ۇيىمى 14 مىڭ گەكتاردان اساتىن ەلوردانىڭ جاسىل بەلدەۋىن ورتتەن قورعايدى. ولاردىڭ جۇمىسى پروفيلاكتيكالىق جۇمىستاردى جۇرگىزۋگە باعىتتالعان.
قالانىڭ ورماندى دالا ايماعى التى سەكتورعا بولىنگەن, ولاردىڭ ارقايسىسىنا ارنايى «استانا-ورمان» ءورت ءسوندىرۋ بريگادالارى قىزمەت ەتەدى. ورماندا باقىلاۋ مۇنارالارى بار, وندا ورمانشىلار جاز مەزگىلىنىڭ باسىنان باستاپ تاۋلىك بويى جۇمىس كۇزەتتە تۇرادى.
سونىمەن قاتار, ەلوردانىڭ كوپ قاباتتى عيماراتتارىندا ەلوردانىڭ بۇكىل پەريمەترىن باقىلايتىن 8 بەينەكامەرا ورناتىلعان.
«ەلوردانىڭ ءورت قاۋىپسىزدىگىن 11 ءورت بولىمشەسى جۇزەگە اسىرادى. بۇگىنگى تاڭدا شانحاي بازارىنداا ءورت ءسوندىرۋ بەكەتى سالىنىپ جاتىر. سونىمەن قاتار, «كوكتال» تۇرعىن الابىندا, جاڭا تەمىرجول ۆوكزالىندا جانە «ۇركەر» تۇرعىن الابىندا تاعى ءۇش ءورت ءسوندىرۋ بەكەتىن جوبالاۋ بويىنشا كونكۋرستىق راسىمدەر وتكىزىلدى. ولار ىسكە قوسىلعان سوڭ ءبىز استانا اۋماعىن ستاندارتتارعا سايكەس تولىعىمەن جابامىز», – دەدى ءابدىراحمانوۆ.
توتەنشە جاعدايلار دەپارتامەنتى مەن پوليتسيا باسقارماسى اراسىندا ءورت ورىن الا قالعان جاعدايدا ءورت ءسوندىرۋ بريگادالارىنىڭ كەدەرگىسىز ءوتۋىن قامتاماسىز ەتۋ تۋرالى كەلىسىم بار.
«بارلىق كولىك اۆاريالىق-قۇتقارۋ ماشينالارىنا جول بەرۋى ءتيىس. سونىمەن قاتار, «جاسىل تولقىن» فۋنكتسياسى بار, بىزگە ءورت تۋرالى دابىل كەلگەندە, ءبىز پوليتسياعا حابارلاسىپ, باراتىن باعىتىمىزدى ايتامىز. سودان كەيىن ولار سول باعىتتاعى بارلىق جولدا باعدارشامنىڭ جاسىل ءتۇسىن جاعىپ وتىرادى», – دەدى ءابدىراحمانوۆ.