قالالىق ورتانى رەگەنەراتسيالاۋ باسقارماسى باسشىسىنىڭ ورىنباسارى امانجول الپىسباەۆ قالالىق دامۋ اكسەلەراتورى iKomek 109 بىرىڭعاي بايلانىس ورتالىعى بازاسىندا جۇمىس ىستەيتىندىگىن حابارلادى. جۇمىس توبى جوبانى يدەيادان تۇپكىلىكتى ىسكە اسىرادى جانە جوسپارلانعان ناتيجەگە دەيىن باقىلاۋىنا الادى.
«بۇل قالا اكىمدىگىنىڭ بارلىق ۆەدومستۆولارىنىڭ ماماندارى مەن ساراپشىلارىنان تۇراتىن بىرىڭعاي الاڭ بولادى. قۇرىلىم شتاب ىسپەتتى. باستى ەرەكشەلىگى – كەشەندى ۇسىنىسى بار ءاربىر تۇرعىن وسى كوماندانىڭ مۇشەسى بولۋ مۇمكىندىگىنە يە. شتاب تولىعىمەن اشىلدى. مۇندا «سىنايسىڭ با؟ شەشىمىن ۇسىن!» قاعيداتى جۇمىس ىستەيدى. دالىرەك ايتقاندا, شەشىمدەر اشىق تۇردە قابىلدانباعاندىقتان, قالا ومىرىندە پروبلەمالار تۋىندايدى», – دەدى ا.الپىسباەۆ.
سونىمەن قاتار, iKomek 109 قالالىق مونيتورينگ جانە جەدەل ارەكەت ەتۋ ورتالىعىنىڭ باسشىسى جاننات دۋبيروۆا قالالىق دامۋ اكسەلەراتورىن زەرتتەۋ قۇرالدارىنىڭ ءبىرى «ناقتى ۋاقىت رەجيمىندە قالانىڭ جۇيەلى ماسەلەلەرى رەيتينگىنىڭ پانەلى» بولىپ تابىلاتىنىن حابارلادى. ول ەلوردا تۇرعىندارىنىڭ وتىنىشتەرى نەگىزىندە قۇرىلدى. ونىڭ ايتۋىنشا, بۇگىنگى تاڭدا قالادا كەڭ تاراعان ماسەلەلەرگە اشىق ليۋكتەر, قاڭعىباس جانۋارلار, قوعامدىق كولىك جۇمىسى, دەنساۋلىق ساقتاۋ, سۋ باسۋ, كوشەلەردى جارىقتاندىرۋ جانە پيك قىزمەتى جاتادى.
«ازاماتتارمەن كەرى بايلانىس ناتيجەسىندە الىنعان دەرەكتەر نەگىزىندە كەلىپ تۇسكەن شاعىمداردىڭ جۇيەلىلىگىن كورىپ وتىرمىز. سوندىقتان ءبىز قالا پروبلەمالارىنىڭ رەيتينگىن قۇردىق. بۇل رەتتە ماسەلەنىڭ ماعىزدىلىعى ءتورت دەڭگەيدە قاراستىرىلادى: تومەن, ورتاشا, جوعارى جانە وتە جوعارى. بۇگىنگى تاڭدا بۇل رەيتينگتە قالانىڭ 48 جۇيەلىك ماسەلەسى بار. قالالىق دامۋ اكسەلەراتورىن ىسكە قوسۋ اياسىندا ءبىز العاشقى سەگىز پروبلەمالى ماسەلەنى جۇمىسقا الدىق. 100 كۇن ىشىندە قانداي دا ءبىر يدەيالاردى ازىرلەۋ عانا ەمەس, ونى ءىس جۇزىندە ىسكە اسىرۋ باعدارلامانىڭ ەرەكشەلىگى بولىپ تابىلادى», – دەدى جاننات دۋبيروۆا.