وزبەكستاننىڭ سامارقاند قالاسىندا جالاۋى جەلبىرەگەن «چەللەندجەر» تۋرنيرىندە قازاقستاندىق تەننيسشى دميتري پوپكو ءۇشىنشى كەزەڭگە شىقتى.
تۇساۋكەسەر كەزدەسۋدە ول اۆستراليالىق ياكوب گريلستەن باسىم تۇسكەن ەدى. 1 ساعات 47 مينۋتكە سوزىلعان وسى سايىس 6:3, 7:6 ەسەبىمەن اياقتالدى. ەكىنشى كەزەڭدە جەرلەسىمىز بەلارۋسسيالىق ەۆگەني گەراسيموۆتان ايلاسى اسىردى. 1 ساعات 25 مينۋتكە سوزىلعان بۇل باسەكەدە 6:3, 7:6 ەسەبى تىركەلدى. ءۇشىنشى اينالىمدا دميتري پوپكو ۇندىستاندىق سۋميتا گاللمەن كۇش سىناسادى.
ەستەرىڭىزگە سالا كەتەيىك, سامارقاندتاعى تۋرنيردە قازاقستاننىڭ ءبىر توپ تەننيسشىسى باق سىناۋدا. العاشقى اينالىمدا اندرەي گولۋبەۆ سۇرىنسە, ساناۋلى ساعاتتاردان كەيىن دەنيس ەۆسەەۆ ءوزىنىڭ ەكىنشى كەزدەسۋىن وتكىزەدى.