ستەند اتۋدان كوماندانىڭ باس باپكەرى سەرگەي كولوس Olympic.kz سايتىنا سۇحبات بەرىپ, مەرگەندەردىڭ كورسەتكىشىن باعالادى.
«جارىس ءالى اياقتالعان جوق. «تراپ» باعدارلاماسى بويىنشا مەرگەندەرىمىز ءالى دە سىنعا تۇسۋدە. سوندىقتان, وليمپيادا ليتسەنزياسىنان ءۇمىتىمىز بار. ال «دوڭگەلەك» ستەند بويىنشا ءبىزدىڭ ەكى بىردەي سپورتشىمىزدىڭ فينالدا باق سىناۋى بۇرىن-سوڭدى بولماعان جاعداي. وسىعان دەيىنگى ويىندارداعى ليتسەنزيانى ءبىز ازيا چەمپيوناتىندا ۇتىپ العانبىز. بيىلعى قۇرلىق دوداسى جىل سوڭىندا وتەدى.
الدا فينليانديادا وتەتىن الەم كۋبوگى كەزەڭى مەن قۇرلىق چەمپيوناتى كۇتىپ تۇر. جولداما جەڭىپ الاتىن مۇمكىندىك از قالدى. سول سەبەپتى, بار كۇشىمىز وسى ەكى تۋرنيردە ءساتتى ونەر كورسەتۋگە باعىتتالعان. باستى ماقسات – وليمپيادا جولداماسىن جەڭىپ الۋ.
ورىنباي مەن پانارينا وتە جاقسى ناتيجە كورسەتتى. فينالدا وليمپيادا مەن الەم چەمپيوناتتارىنىڭ جۇلدەگەرلەرى سىنعا تۇسكەنىن ەسكەرسەك, ولاردىڭ بۇل كورسەتكىشى كوڭىلدەن شىعادى», - دەيدى باس باپكەر.