جەدەل الدىن الۋ شاراسى جول-كولىك وقيعالارىن بولدىرماۋ, جول-كولىك وقيعالارىنا تىكەلەي اسەر ەتەتىن جاعدايلاردىڭ الدىن الۋ, جول قاۋىپسىزدىگىن قامتاماسىز ەتۋ, جول قوزعالىسى ەرەجەلەرىنىڭ بۇزىلۋىنا جول بەرمەۋ, قوعامدىق ءتارتىپتى قاداعالاۋ ماقساتىندا ۇيىمداستىرىلدى.
قالالىق پد ءباسپاسوز قىزمەتىنىڭ حابارلاۋىنشا, ءجاىش وتكىزىلگەن ەكى كۇننىڭ ىشىندە پوليتسيا قىزمەتكەرلەرى 800-گە جۋىق جول قوزعالىس ەرەجەلەرى بۇزىلعانىن انىقتادى. كولىكتى ماس كۇيىندە باسقارعان 17 جۇرگىزۋشى ۇستالدى. جالپى العاندا, قۇقىق قورعاۋ ورگاندارى قىزمەتكەرلەرى جىل باسىنان مۇنداي 300-دەن استام جۇرگىزۋشىنى انىقتادى.
سونداي-اق, ءجاىش بارىسىندا قاۋىپسىزدىك بەلدىكتەرىن پايدالانۋ ەرەجەلەرىن ساقتاماۋدىڭ 50-گە جۋىق فاكتىسى, جاياۋ جۇرگىنشىلەردىڭ جول قوزعالىسى ەرەجەسىن بۇزۋعا قاتىستى 50-گە جۋىق وقيعا, اۆتوكولىك قۇرالدارىن جۇرگىزۋ كەزىندە جۇرگىزۋشىلەردىڭ ۇيالى تەلەفونداردى پايدالانۋىنا قاتىستى 30-دان استام جول ەرەجەسىن بۇزۋ وقيعاسى انىقتالدى.