وتىرىس بارىسىندا توپتىق رەزەرۆۋارلىق قوندىرعىلاردىڭ جۇمىسى, قالانىڭ 20 جىلدىعىنا سالىنعان مۋنيتسيپالدى مەنشىك وبەكتىلەرىن مۋنيتسيپالدى مەنشىككە قابىلداۋ, سونداي-اق باس قالانى كوگالداندىرۋ ماسەلەلەرى قارالدى.
قازاقستاننىڭ جاسىل ەكونوميكاعا كوشۋىن ىسكە اسىرۋ, جاڭارتىلاتىن ەنەرگيا كوزدەرىن دامىتۋ جونىندە وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنىڭ باسشىسى ەربول تولەۋوۆ باياندادى. ونىڭ ايتۋىنشا, قازىرگى ۋاقىتتا مەملەكەتتىك مەكەمەلەر مەن جەكە كومپانيالار قۇرىلىستا جاڭارتىلاتىن ەنەرگيا كوزدەرىن بەلسەندى تۇردە قولدانا باستادى.
«جاڭارتىلاتىن ەنەرگيا كوزدەرى قالاداعى 23 نىساندا ورنالاسقان. بۇگىنگى تاڭدا ولار قالا بويىنشا جالپى 700-دەن استام كيلوۆاتت/ساعات ەنەرگيا بەرۋدە. بۇل, ەلەكتر ەنەرگياسىنا ارنالعان شىعىندى جىلىنا 20 ميلليوننان استام تەڭگەگە ۇنەمدەۋگە مۇمكىندىك بەرەدى. ۇلى دالا جانە تۇرار رىسقۇلوۆ كوشەلەرى, بىرنەشە ساياباق پەن گۇل باعى, سورعى ستانتسيالارى, اۆتوبۋس ايالدامالارى, ەكوجاتاقتار جانە گادجەتتەردى قۋاتتاۋ ورىندارى جاڭارتىلاتىن ەنەرگيا كوزدەرىنە اۋىستىرىلدى», دەپ اتاپ ءوتتى ە. تولەۋوۆ.
باقىت سۇلتانوۆ قازاقستاندا ەنەرگيانىڭ بالامالى كوزدەرىن قولدانۋدىڭ جاقسى ناتيجەلەرى بار ەكەنىن تىلگە تيەك ەتتى. ول اتالمىش ماسەلە بويىنشا زەرتتەۋ جۇرگىزىپ ءتيىستى ۇسىنىستار ەنگىزۋدى تاپسىردى.