15 مامىر, ياعني, ەرتەڭ – حالىقارالىق وتباسى كۇنى. وسىعان وراي ەلىمىزدىڭ تۇكپىر-تۇكپىرىندە بۇل كۇنى اتا-انالاردىڭ جالپىۇلتتىق جينالىسى وتەدى. جيىن مەكتەپتە وقيتىن بالاسى بار جانە مەكتەپتەردىڭ قازىرگى جاعدايىنا بەيجاي قارامايتىن ءاربىر قازاقستاندىق وتباسىعا قىزىقتى بولۋى كەرەك.
ءبىلىم جانە عىلىم ءمينيسترى اتا-انالاردى جينالىسقا قاتىسۋعا شاقىرىپ, جۇمىس بەرۋشىلەردەن سول كۇنى ولاردى قىزمەتتەرىنەن ەرتەرەك بوساتۋدى ءوتىندى.
«اتا-انالاردىڭ جالپىۇلتتىق جينالىسى كۇنى اتا-انالار مەكتەپكە كەلىپ, مەكتەپ باسشىلارىمەن, سىنىپ جەتەكشىلەرىمەن جانە مۇعالىمدەرىمەن كەزدەسىپ, مازالاپ جۇرگەن ساۋالدارعا ماردىمدى جاۋاپتار الۋ مۇمكىندىگىنە يە بولادى.
قۇرمەتتى اتا-انالار, قازاقستان رەسپۋبليكاسىنىڭ ءبىلىم جانە عىلىم مينيسترلىگى سىزدەردى ءىس-شاراعا قاتىسۋعا شاقىرادى», — دەلىنگەن ءباسپاسوز حابارلاماسىندا.