قازاقستان استاناسىندا «بيزنەستىڭ جول قارتاسى 2020» بيزنەستى قولداۋ مەن دامىتۋدىڭ مەملەكەتتىك باعدارلاماسى شەڭبەرىندە شاعىن كاسىپكەرلىك سۋبەكتىلەرىنە, ونىڭ ىشىندە ءىسىن جاڭا باستاعان كاسىپكەرلەرگە, جاس كاسىپكەرلەرگە, ايەلدەرگە, مۇگەدەكتەرگە جانە 50 جاستان اسقان ادامدارعا ارنالعان ء(وز بيزنەسىن قۇرۋعا) مەملەكەتتىك گرانتتارعا بايقاۋ جاريالاندى. بۇل تۋرالى ەلوردا اكىمدىگىنىڭ رەسمي سايتى حابارلادى.
بايقاۋدى ۇيىمداستىرۋشى – «نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى» مم. كونكۋرس اشىق تۇردە وتەدى.
قاتىسۋ ءۇشىن ءوتىنىمدى بەيبىتشىلىك 11, 113 مەكەنجايىنداعى نۇر-سۇلتان قالاسىنىڭ «ينۆەستيتسيالار جانە كاسىپكەرلىكتى دامىتۋ باسقارماسى» مم-گە تاپسىرۋ قاجەت.
قۇجاتتار 2019 جىلدىڭ 14-24 مامىرى ارالىعىندا, جۇمىس كۇندەرى ساعات 09:00-دەن 17:30-گە دەيىن قابىلدانادى.
كورسەتىلگەن مەرزىم وتكەننەن كەيىن تۇسكەن وتىنىمدەر قابىلدانبايدى.