جاقىندا الماتى وبلىستىق تىلدەردى دامىتۋ باسقاراماسى مەن قاراساي اۋدانىنىڭ اكىمدىگى بىرلەسىپ «ماقال – ءسوزدىڭ مايەگى» اتتى وقۋشىلار اراسىندا بايقاۋ وتكىزگەن بولاتىن. وسى بايقاۋعا قاتىسقان قىمبات جيىرماعا جۋىق العىر زامانداستارىنا دەس بەرمەي, سايىستان وزا شاۋىپ شىقتى.
بۇل بايقاۋدا تەك وقۋشىلاردىڭ ماقال مەن ماتەلدى جاتتاپ الىپ ايتۋى عانا ەمەس, تاقىرىپقا ساي شەشەندىك ونەر مەن ءسوز توركىنىن قانشالىقتى ۇعىنعاندارى ساراپقا سالىنعان بولاتىن. قىمبات وسى سىناقتىڭ بارلىعىنان سۇرىنبەي ءوتىپتى.
- ەلباسىنىڭ «رۋحاني جاڭعىرۋ» باعدارلامالىق ماقالاسىنىڭ جارىق كورگەنىنە ەكى جىل تولۋىنا وراي, رۋحاني قۇندىلىقتاردى دارىپتەۋ, مەملەكەتتىك ءتىلدىڭ قولدانىس اياسىن كەڭەيتۋ ماقساتىندا قاراساي اۋدانى اكىمدىگىمەن بىرلەسىپ «ماقال ءسوزدىڭ مايەگى» اتتى بايقاۋ وتكىزگەنبىز. بۇل بايقاۋعا 14-17 جاس ارالىعىنداعى وقۋشىلار قاتىستى. وبلىستىڭ 17 اۋدانى مەن 3 قالاسىنان كەلگەن ۇشقىر ويلى, ۇشكىر ءتىلدى 20 جاس سايىپقىراننىڭ اراسىنان كىشكەنتاي قىمبات وزىپ شىقتى, - دەيدى الماتى وبلىستىق تىلدەرى دامىتۋ باسقارماسىنىڭ باسشىسى ايدار باشباەۆ.