3-سىنىپ وقۋشىسى ەدگار تۇركيانىڭ انتاليا قالاسىندا وتكەن وقۋشىلار اراسىنداعى حالىقارالىق چەمپيوناتتا 2- ورىن يەلەنگەن. سايىسقا 33 مەملەكەتتەن 382 جاس شاحماتشى قاتىسقان.
- مەنى انام كوپتەگەن ۇيىرمەلەرگە اپاردى. بىراق, جانىما جاقىن تارتقانىم وسى شاحمات بولدى. مەن ءوزىمدى بولاشاقتا شاحماتتان كاسىبي دەڭگەيدە مامان رەتىندە كورەمىن. الەمنىڭ بىرنەشە ەلىندە بولدىم. كۇشتى اسەرلەر الىپ, تاجىريبە الماسۋدامىن. ماعان شاحمات كوپتەگەن بەلەستەرگە جەتۋگە جول اشۋدا. قازىرگى ۋاقىتتا تامىز ايىندا قىتايدا وتەتىن حالىقارالىق چەمپيوناتقا دايىندىق ۇستىندەمىن. وسى ءساتتى پايدانالا وتىرىپ, ماعان دەمەۋشىلىك جاساپ جۇرگەن اعا-اپالارىما ەرەكشە العىسىمدى بىلدىرەمىن, دەدى جاس شاحماتشى ەدگار مامەدوۆ.
اقتاۋ قالاسىنداعى№ 9 ورتا مەكتەپتىڭ وقۋشىسى ەدگار مامەدوۆ «دەبيۋت» شاحمات مەكتەبىنە 5 جاسىنان بارادى. ءتورت جاسىنان كىتاپ وقي باستاعان ول ۇيىرمەگە بارعان ساتتەن دايىن فورمۋلالارمەن جاتتىعادى. ءوڭىردىڭ مىقتى شاحماتشىلارى جينالعان ۇلكەن بليتس ءتۋرنيردىڭ كوكتەمگى كەزەڭىندە 11 ويىننان 9 ۇپاي جيناپ, 44 قاتىسۋشىنىڭ اراسىنان وق بويى وزىپ شىقتى. 2018 جىلى الماتى قالاسىندا وتكەن قر چەمپيوناتىندا التىن القا جەڭىپ السا, پاۆلودار قالاسىندا وتكەن چەمپيناتتا كلاسسيكا, راپيت, بليتس ءۇش كونترولدا دا قاتىسىپ, ابسوليۋتتىك چەمپيون بولعان. سونىمەن قاتار, ءساۋىر ايىندا تايلاندتا وتكەن ازيا چەمپيوناتىندا 3- ورىن, شري-لانكادا وتكەن الەم چەمپيوناتىندا 3 - ورىن يەمدەندى. جاتتىقتىرۋشىسى انۆار شايحىموۆ ەدگاردىڭ جەتكەن جەتىستىكتەرى بىلىمگە دەگەن ەرەكشە قۇشتارلىعى مەن اتا-اناسىنىڭ ىقىلاسىندا دەيدى.
شاحمات ويىندارى وبلىستا دامىپ, جاس ورەندەرىمىز قورجىنعا كۇمىس, التىن القالار سالۋدا. بۇل ورايدا جاتتىقتىرۋشىنىڭ دا ءرولى ەرەكشە. الداعى ۋاقىتتا وسى سپورت ءتۇرىن دامىتۋدىڭ جاڭا جوسپارلارى قاراستىرىلاتىن بولادى دەدى وبلىستىق سپورت باسقارماسىنىڭ وكىلى.