ال كوپ بالالى انالار گالينا ولجاباەۆا مەن اسەل ميرمانوۆا ارقايسىسى اكەسىز 4 بالا اسىراپ وتىر. اسەل ميرمانوۆانىڭ ءبىر بالاسى اۋىرادى, ونىڭ اكەسىنەن اليمەنت تە الا المايدى. گالينا باسپانانى جالداپ تۇرادى, بالالارىنىڭ كيىمىنە, تاماعىنا قارجى جەتپەيتىنىن ايتا كەلگەن. III توپتاعى مۇگەدەك نۇراحمەت ارىستانوۆ 10 جىلدان بەرى تۇراتىن باسپاناسىن جەكەشەلەندىرۋگە كومەك سۇرايدى.
قوعامدىق قابىلداۋعا قاتىسقان پارتيانىڭ قوستاناي قالالىق فيليالى توراعاسىنىڭ ورىنباسارى ماناربەك سۇلتانعازين, قالالىق ءماسليحاتتىڭ دەپۋتاتى ولگا يگيمباەۆا, قوستاناي قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى اقبوپە ماناتوۆا ولاردىڭ بارلىعىن دا مۇقيات تىڭداپ, وتىنىشتەرىن جازدىرىپ الدى. ءۇش وتباسىنا ازىق-ت ۇلىك بەرىلدى. تۇرمىس تاۋقىمەتىن تارتقان وتباسىلارىنىڭ جاعدايى «حالىققا كومەك» جوباسى اياسىندا تالدانىپ, ەكشەلىپ, ولارعا زاڭ اياسىندا ءتيىستى كومەك كورسەتىلەتىن بولادى.
بۇگىندە قوستاناي قالاسىندا 730 كوپ بالالى جانە الەۋمەتتىك تۇرمىسى ءالجۋاز وتباسى بار. ولاردىڭ اراسىندا 270 وتباسى باسپانا كەزەگىندە تۇر. قوستاناي قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى اقبوپە ماناتوۆانىڭ ايتۋىنشا, تابىسى از وتباسىلارىنا اتاۋلى الەۋمەتتىك كومەك كورسەتىلەدى.
– ونىڭ سىرتىندا كاسىپكەرلەر قولداۋىمەن قىس ايلارىندا 28 وتباسىنا 64 توننا كومىر ءتۇسىرىلدى, 168 وتباسىنا ازىق-ءتۇلىك جاعىنان كومەك بەرىلدى. 34 وتباسىنان 90 بالا مەكتەپتەردە تەگىن تاماقتاندىرىلادى. ءبىر بالانى نۇر-سۇلتان قالاسىنا ەمدەۋگە اپارۋ ءۇشىن 90 مىڭ تەڭگە كومەك جاسالدى, 1 ستۋدەنتتىڭ وقۋ اقىسى تولەندى. 8 بالا اسىراپ وتىرعان كوپ بالالى وتباسىنا كاسىپكەر 3 بولمەلى پاتەر الىپ بەردى, – دەيدى اقبوپە راحىمجانقىزى.
جالپى, Nur Otan پارتياسىنىڭ قوستاناي قالالىق فيليالىندا جىل باسىنان بەرى 15 قوعامدىق قابىلداۋ وتكىزىلىپ, وعان 54 ادام جاعدايىن ايتىپ, قاجەتتى كومەگىن العان. قوستاناي