- ماڭعىستاۋدا 33 مەشىت بار, 4 مەشىتتىڭ قۇرىلىسى جۇرگىزىلۋدە. ونىڭ ەكەۋى ماڭعىستاۋ اۋدانىندا وڭدى جانە جارمىش اۋىلىندا, ەكەۋى مۇنايلى اۋدانىنا قاراستى داۋلەت جانە قىزىلتوبە اۋىلىندا. ال, سالىنىپ جاتقان جاڭا شاعىن اۋداندارعا قاتىستى مەشىت قاجەتتىگىنە بايلانىستى ۇسىنىستار بولۋدا. بۇل جونىندە قالالىق اكىمدىككە جەر ماسەلەسىنە بايلانىستى ۇسىنىس تۇسىردىك, دەدى وبلىستىڭ باس يمامى س.سەيتبەكوۆ.
قازاقستان مۇسىلماندارى ءدىني باسقارماسىنىڭ ماڭعىستاۋ وبلىسى بويىنشا وكىل يمامىنىڭ ايتۋىنشا, مەشىتكە كەلۋشى جاماعاتتىڭ ىشىندە قايىرىمدىلىق شارالارى ءجيى اتقارىلىپ تۇرادى جانە مۇقتاج وتباسىلارعا ءۇي سالىنىپ بەرىلگەن.
- مەشىتتەردىڭ اتقارىپ جاتقان جۇمىستارىنىڭ ءبىرى - ول قايىرىمدىلىق شاراسى. مەشىت – قۇدايعا ءماناجات جاسالىناتىن جەر. دەگەنمەن, سول مەشىتكە كەلۋشى جانە وزگە دە قول ۇشىن بەرۋشى ازاماتتاردىڭ كومەگىمەن اپتا سايىن قايىرىمدىق شارالارى وتكىزىلەدى. قايىرىمدىلىق شاراسىنىڭ باعىتتارى دا ءار ءتۇرلى بولۋدا. قاراجات, ازىق-ت ۇلىك نەمەسە باسقا دا تۇرلەرى بار. بيىل ەكى وتباسىعا ءۇي سالىنىپ بەرىلدى, ال قازىر تاعى دا ەكى وتباسىعا ءۇي سالىنۋدا, دەدى باس يمام.