جيىندا 2019-جىلدىڭ 1-توقسانىندا اتقارىلعان جۇمىستار ەسەبى مەن بەكىتىلگەن اكىمشىلىك ايماقتاعى جەدەل جاعدايدىڭ احۋالى, 2018-2020 جىلدارعا ارنالعان «بوتەننىڭ مۇلكىن ۇرلاۋ بويىنشا» باعدارلاما جوسپارىنىڭ تارماقتارىن ورىنداۋدى جۇزەگە اسىرۋ جانە ءتۇسىندىرۋ, «كورشى باقىلاۋى» باعدارلاماسىن تۇرعىندارعا جەتكىزۋ, ازاماتتارعا «قازاقتەلەكوم» اق-نىڭ ۇسىنعان تۇرعىن شاعىن اۋداندار اۋلاسىنا بەينەباقىلاۋ كامەرالارىن قوندىرۋ قاجەتتىلىگىن ءتۇسىندىرۋ تاقىرىپتارى تالقىلاندى.
سونداي-اق ۋچاسكەلىك ينسپەكتورلار تۇرعىنداردىڭ ساۋالدارىنا جاۋاپ بەرىپ, تولىق تۇسىندىرمە بەردى.
حالىققا ەسەپ بەرۋ كەزدەسۋىنە اقتاۋ قالاسىنىڭ پب جپق باستىعى پوليتسيا مايورى ر.ەرماقانوۆ, اقتاۋ قالاسى پروكۋراتۋراسى ءبولىمىنىڭ باستىعى 2 سىنىپ زاڭگەر ا.الۋادينوۆ, № 14 وم ديرەكتورى گ.قۋاندىقوۆا, اقتاۋ قالاسى پب كەزەكشى ءبولىمنىڭ باستىعى پوليتسيا مايورى گ.قالدىباەۆ, مو پد جپق ايەلدەردى زورلىق-زومبىلىقتان قورعاۋ جونىندەگى توبىنىڭ اعا ينسپەكتورى ك.قىليشاەۆا, اقتاۋ قالاسى پب جپقب ايەلدەردى زورلىق-زومبىلىقتان قورعاۋ جونىندەگى توبىنىڭ ينسپەكتورى ر.جانتۋار جانە دە ۋچاسكەلىك ينسپەكتورلار قاتىستى.
سونداي-اق تۇرعىندارعا قاندالالاردى ۋلاۋعا ارنالعان پرەپاراتتاردى قولدانۋدىڭ ماڭىزدىلىعى, ءۇي-جايدى قاۋىپسىز وڭدەۋ ءۇشىن مەملەكەتتىك ۇيىمدارعا جۇگىنۋ قاجەتتىلىگى تۋرالى ەسكەرتىلدى. وسىنداي ەرەجەلەردى ساقتاماعان جاعدايدا وڭىردە ورىن العان قايعىلى وقيعاعا اكەلىپ سوقتىراتىنى تۋرالى ءتۇسىندىرىلدى.