ء29 ساۋىر مەن 3 مامىر ارالىعىندا پد جەرگىلىكتى پوليتسيا قىزمەتى اكىمشىلىك پوليتسيا باسقارماسى,ء بىلىم باسقارماسى, «ءسوس» قالىپتاستىرۋ ورتالىعىمەن بىرلەسە وتىرىپ, قالاداعى جالپى ءبىلىم بەرەتىن مەكتەپتەر اراسىندا جاس جول ينسپەكتورلارىنىڭ اۋداندىق سلەتىن وتكىزۋدە.
«قازىرگى ۋاقىتتا ەلوردامىزدىڭ اۋماعىندا پوليتسيا قىزمەتكەرلەرىنە ءار ءتۇرلى الدىن-الۋ ءىس-شارالارىن ۇيىمداستىرۋعا كومەكتەسەتىن جاياۋ جۇرگىنشىلەردىڭ جول ءجۇرۋ ەرەجەلەرىن ساقتاۋ بويىنشا رەيدتىك ءىس-شارالارعا قاتىساتىن 75-تەن استام جاس جول ينسپەكتورلارىنىڭ جاساعى ناسيحاتتاۋ جۇمىستارىن جۇرگىزەدى», – دەلىنگەن جەرگىلىكتى پوليتسيا قىزمەتىنىڭ حابارلاماسىندا.
اتالمىش ءىس-شارانىڭ ماقساتى – بالالار اراسىنداعى جول-كولىك جاراقاتى ماسەلەسى مەن جول-كولىك وقيعاسىنىڭ سانىن بارىنشا ازايتۋعا قوعامنىڭ نازارىن اۋدارۋ.
سلەت باعدارلاماسى اياسىندا 7 نوميناتسيا بويىنشا كەلەسى جارىستار ءوتتى: «ساپتىق بايقاۋ», «جول قوزعالىسى ەرەجەلەرىنىڭ بىلگىرلەرى», «ۆەلوسيپەدتى مانەرلەپ جۇرگىزۋ», «جاس رەتتەۋشى», «جاس سانيتار», «ۇگىت-ناسيحات بريگادالارىنىڭ كونكۋرسى», «ەرۋديتتەر تۋرنيرى».
بالالار جول-كولىك وقيعاسى كەزىندە ججە, رەتتەۋشىلەردىڭ ىم-يشارالارىن, بىلۋدەن, العاشقى مەديتسينالىق كومەكتى جىلدام ءارى ساپالى كورسەتۋدەن سايىسقا ءتۇستى.