نۇر-سۇلتان قالاسىندا شايبالى حوككەيدەن ءبىرىنشى ديۆيزيوننىڭ ا توبىنداعى الەم چەمپيوناتى جالعاسىپ جاتىر. بۇگىن قازاقستان قۇراماسى ءۇشىن ماڭىزدى ويىن بولماق دەپ حابارلايدى Olympic.kz.
وسى تۋرنير اياسىندا قازاقستان, بەلارۋس جانە وڭتۇستىك كورەيا قۇرامالارى ەكى ويىندا جەڭىسكە جەتىپ, التى ۇپايمەن تۋرنيرلىك كەستە الدا كەلە جاتىر. وزگەرىستەر بۇگىن بولۋى مۇمكىن. ءتورتىنشى ويىن كۇنىنىڭ ورتالىق ماتچىندا مۇز ايدىن يەلەرى وڭتۇستىك كورەيا قۇراماسىمەن كەزدەسەدى. وسى ويىندا جەڭىسكە جەتكەن كوماندا كەلەر جىلى توپ-ديۆيزيوندا ونەر كورسەتۋگە ءبىر تابان جاقىنداي تۇسەدى. بەلارۋس قۇراماسى وسى تۋرنيردە ەكى رەت جەڭىلگەن سلوۆەنيا كومانداسىمەن وينايدى.
12:30 - ليتۆا - ۆەنگريا
16:00 - بەلارۋس -سلوۆەنيا
19:30- وڭتۇستىك كورەيا - قازاقستان
كەزدەسۋلەر تىكەلەي ەفيردە Qazsport تەلەارناسىنان كورسەتىلەدى.
كەشكى ويىنعا جانكۇيەرلەر ءۇشىن «بارىس ارەناعا» دەيىن ارنايى اۆتوبۋستار ۇيىمداستىرىلعان.