حالىق بىرلىگى مەرەكەسى كۇنى ەل ازاماتتارى ۇلت پەن ۇلىستىڭ وتكەن كەزەڭدەگى تاريحى مەن ونىڭ ساباقتارىن دارىپتەپ, الەمدىك قوعامداستىق تاراپىنان جوعارى باعالانعان قازاقستاندىق تاتۋلىق پەن كەلىسىمدى پاش ەتەدى. ەلباسى نۇرسۇلتان ءابىش ۇلى نازارباەۆ ىرگەتاسىن قالاعان دوستىق, تاتۋلىق ۇستانىمى – بۇگىندە قازاقستاننىڭ عانا ەمەس, بارشا ەلدىڭ, الەم ەلدەرىنىڭ قىزىعا قارار ۇلگىسىنە اينالىپ كەلەدى.
ەلىمىزدىڭ باستى قورعاۋشى كۇشى قوعامدىق كەلىسىم مەن ەتنوسارالىق تاتۋلىقتى ساقتاۋ – قازاق ەلىنىڭ الدىندا تۇرعان باستى مىندەت. قوعامدىق كەلىسىم مەن ساياسي تۇراقتىلىق – ءبىزدىڭ ەڭ ماڭىزدى بايلىعىمىز! بۇل جەتىستىكتى باعالاۋ, ونى ساقتاۋ جولىندا ايانباي ەڭبەك ەتۋ – ءاربىر قازاقستان ازاماتىنىڭ مىندەتى. سونىڭ دالەلى – كۇنى كەشە نۇر-سۇلتان قالاسىندا وتكەن قازاقستان حالقى اسسامبلەياسىنىڭ «بەيبىتشىلىك پەن كەلىسىم فورمۋلاسى: بىرلىك جانە جاڭعىرۋ» اتتى XXVII سەسسياسى. ەلباسىمىز اتاپ وتكەندەي, «بۇگىندە اسسامبلەيا تۇراقتىلىق پەن قوعامدىق كەلىسىمنىڭ سەنىمدى, بەرىك نەگىزى بولىپ تابىلادى».
سەسسيادا كوتەرىلگەن ماسەلەلەردىڭ بارلىعىنىڭ دەرلىك شەشىمى تابىلادى. بارشا قازاقستاندىقتى ماڭعىستاۋ دالاسىنىڭ پەرزەنتى رەتىندە كيەلى وڭىردەن شىن نيەتىممەن قۇتتىقتايمىن. قازاقستان حالقىنىڭ دوستىعى جانە بىرلىگى كۇنى قۇتتى بولىپ, ءار وتباسىنا, ءار قازاقستاندىققا باقىت-بەرەكە سىيلاسىن. قازاقستان حالقى وركەن جايىپ, مەملەكەتىمىز مولشىلىققا, ال ءاربىر شاڭىراق باقىت پەن شاتتىققا كەنەلسىن دەپ تىلەيمىز. سەبەبى شاڭىراق ورتاق بولعان سوڭ, تاعدىر دا ورتاق, كەلەشەك تە ورتاق.
ءبىز – قازاقستاندىقتارمىز! ءبىز ورتاق ەڭبەگىمىزبەن, بىرلەسكەن ىزدەنىسىمىزبەن, توپتاسقان بولمىسىمىزبەن ورتاق ءۇيىمىز – قازاقستان رەسپۋبليكاسىن كۇن ساناپ تۇلەتىپ, كۇن ساناپ وركەندەتە تۇسۋدەمىز. ءبىز جانە ءبىزدىڭ ۇرپاقتارىمىز ەلىمىزبەن بىرگە ەسەيە بەرمەك.
قۇربانالي گازيبەكوۆ,
قازاقستان حالقى اسسامبلەياسى «الا-توو» قىرعىز ەتنومادەني بىرلەستىگىنىڭ توراعاسى
ماڭعىستاۋ وبلىسى