ونىڭ ايتۋىنشا, مۇنداي قىزمەتتەردى بارلىق مەديتسينالىق ۇيىمدار كورسەتپەيدى. بۇل ءۇشىن ءتيىستى كادر الەۋەتى جانە ماتەريالدىق-تەحنيكالىق بازا بولۋى قاجەت. مىسالى, بۇل — بۇيرەك, ۇرىق جاسۋشالارىن ترانسپلانتاتسيالاۋ, سۇيەك وتكىزگىشتىگىن يمپلانتاتسيالاۋ. قوعامدىق دەنساۋلىق ساقتاۋ كوميتەتى ولشەمدەرگە سايكەستىگىنە بايلانىستى رۇقسات بەرەتىن جوعارى تەحنولوگيالىق قىزمەتتەر بار. ودان كەيىن, مەديتسينالىق الەۋمەتتىك ساقتاندىرۋ قورىمەن كەلىسىمشارت جاساسقاننان كەيىن بۇل قىزمەت تەگىن كورسەتىلەدى.
«بىزدە جوعارى تەحنولوگيالىق مەديتسينالىق قىزمەتتەر كولەمىن ارتتىرۋدىڭ وڭ ءۇردىسى بايقالادى. ەگەر جىلدىق كورسەتكىشتەردى سالىستىرساق, 2016 جىلى 71 مىڭعا جۋىق ادام جوعارى تەحنولوگيالىق مەديتسينالىق قىزمەت السا, ال وتكەن جىلى بۇل كورسەتكىش 105 مىڭ ادامدى قۇرادى», — دەدى ۆيتسە-مينيستر.
سونىمەن قاتار, ونىڭ ايتۋىنشا, مەديتسينالىق ۇيىمدار جوعارى تەحنولوگيالىق مەديتسينالىق قىزمەتتەردى كورسەتە باستاسا, ولار كۆوتا جوق مامانداندىرىلعان مەديتسينالىق كومەك كاتەگورياسىنا وتە الادى, ياعني كولەمى بويىنشا شەكتەۋ جوق. بۇل رەتتە, ليميتتەر حالىقتىڭ سۇرانىستارىنا بايلانىستى بەلگىلەنەدى.
«ەگەر وسى تەحنولوگيالارعا قاجەتتىلىك بولسا, مىسالى, مىڭداعان ناۋقاس ەندوپروتەزدەۋگە مۇقتاج بولسا, وندا وتكەن جىلدارى كورسەتىلەتىن قىزمەتتەردىڭ وتكەندەگى كولەمى قاداعالانىپ, حالىق سانىنىڭ ءوسۋىن ەسكەرە وتىرىپ, قانشا ادامعا كومەك كورسەتىلۋى كەرەك بولاتىنى ەسەپتەلەدى. ياعني, بەلگىلى ءبىر قىزمەتتەردى شەكتەۋ كەزىندە مىندەتتى تۇردە تۇرعىنداردىڭ وسى تەحنولوگياعا سۇرانىسى ەسكەرىلەدى», — دەپ ناقتىلادى ل. اقتاەۆا.