2019 جىلعى 27 ساۋىردە «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 54-بابىنىڭ 2 تارماعىنا جانە 55-بابىنا سايكەس «ۇلت تاعدىرى» بىرلەسكەن ۇلتتىق-پاتريوتتىق قوزعالىسى» قوعامدىق بىرلەستىگى ءامىرجان قوسانوۆتىڭ قازاقستان رەسپۋبليكاسىنىڭ پرەزيدەنتتىگىنە كانديدات رەتىندە ۇسىنۋىنا بايلانىستى ونىڭ ءتيىستى قۇجاتتارى ورتالىق سايلاۋ كوميسسياسىنا تاپسىرىلدى. وندا قازاقستان رەسپۋبليكاسىنىڭ پرەزيدەنتتىگىنە كانديدات رەتىندە ۇسىنۋ تۋرالى حاتتاماسىنان ءۇزىندى كوشىرمە, ورتالىق سايلاۋ كوميسسياسىنىڭ شوتىنا سايلاۋ جارناسىن ەنگىزگەنىن كۋالاندىراتىن قۇجات, ومىرباياندىق دەرەكتەرى, جەكە باسىن كۋالاندىراتىن قۇجاتىنىڭ, جوعارى وقۋ ورنىنداعى ءبىلىمى تۋرالى ديپلومىنىڭ كوشىرمەلەرى, مەملەكەتتىك قىزمەتتە نەمەسە مەملەكەتتىك سايلانبالى لاۋازىمدارداعى جۇمىس تاجىريبەسى تۋرالى مالىمەتتەر مەن پرەزيدەنتتىككە كانديدات رەتىندە داۋىس بەرۋگە تۇسۋگە كەلىسىم بەرگەنى تۋرالى ءوتىنىشى بولدى.
سول سياقتى قازاقستان رەسپۋبليكاسىنىڭ پرەزيدەنتتىگىنە كانديدات ءامىرجان قوسانوۆتىڭ قر كونستيتۋتسياسىندا جانە «قازاقستان رەسپۋبليكاسىنداعى سايلاۋ تۋرالى» قر كونستيتۋتسيالىق زاڭىندا بەلگىلەنگەن تالاپتارعا سايكەستىگىن تەكسەرۋدە جاردەمدەسۋى ءۇشىن ۋاكىلەتتى مەملەكەتتىك ورگاندارعا سۇراۋ سالىنىپ ءتيىستى مالىمەتتەر الىندى. ءامىرجان قوسانوۆتىڭ مەملەكەتتىك ءتىلدى ەركىن مەڭگەرگەندىگىنىن انىقتاۋ جونىندەگى لينگۆيستيكالىق كوميسسيانىڭ وتكىزىلگەن ەمتيحاننىڭ ناتيجەلەرى بويىنشا لينگۆيستيكالىق كوميسسيا قازاقستان رەسپۋبليكاسىنىڭ پرەزيدەنتتىگىنە كانديدات ءامىرجان قوسانوۆتىڭ مەملەكەتتىك ءتىلدى ەركىن مەڭگەرگەندىگى جونىندە شەشىم قابىلدادى. وعان قوسا ورتالىق سايلاۋ كوميسسياسى ءامىرجان قوسانوۆتىڭ ىشكى ىستەر مينيسترلىگىنىڭ كوشى-قون قىزمەتى كوميتەتىنىڭ, باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونiندەگi كوميتەتiنىڭ, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتتەرى نەگىزىندە قازاقستان رەسپۋبليكاسىنىڭ پرەزيدەنتتىگىنە كانديدات ءامىرجان قوسانوۆ كونستيتۋتسيادا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىندا قويىلعان تالاپتارعا سايكەس كەلەتىنىن انىقتادى.