ءبىرىنشى كەزەڭ جەرلەستەرىمىز ءۇشىن ءساتتى باستالدى. ويىننىڭ ءتورتىنشى مينۋتىندا سان باسىمدىعىن ءساتتى جۇزەگە اسىرعان نيكيتا ميحايليس ەسەپ اشىپ, كومانداسىن العا شىعارسا, اراعا ەكى مينۋت سالىپ انتون نەكرياچ ەسەپتى ەسەلەدى. ال 16-مينۋتتا ميحايليس ءدۋبلدىڭ اۆتورى اتاندى – 3:0.
الايدا ەكىنشى كەزەڭنىڭ سوڭعى مينۋتىندا سلوۆەنيالىقتار قارىمتا ەكى شايبا سوعىپ ۇلگەردى. ويىننىڭ 38-مينۋتىندا انجە كۋرالت العاشقى شايبانى حەنريك كارلسسون قورعاعان قاقپاعا ءدال باعىتتاسا, اراعا 81 سەكۋند سالىپ داۆيد رودمان ەسەپتى قىسقارتتى – 3:2.
ءۇشىنشى كەزەڭدە ەسەپ ءوزگەرىسسىز قالدى. ءسويتىپ جەرلەستەرىمىز الەم چەمپيوناتىنداعى العاشقى جەڭىسىنە قول جەتكىزدى.
اندرەي سكابەلكا باپتايتىن قازاقستان قۇراما كومانداسى كەلەسى كەزدەسۋىن 1 مامىردا ليتۆا قۇراماسىمەن وتكىزەدى.
الماس ماناپ, «Egemen Qazaqstan»