«كەزىندە قازاقستان حالقى اسسامبلەياسىنىڭ قۇرىلۋى - ماڭىزدى شەشىمدەردىڭ ءبىرى بولعانىن اتاپ ءوتۋ كەرەك. حالىقتىڭ تىلەگىمەن قۇرىلعان ۇيىم ەلدىڭ ابىرويلى كونستيتۋتسيالىق ۇيىمىنا اينالدى. ءبىرىنشى كۇننەن باستاپ, اسسامبلەيا مەملەكەت پەن حالىق الدىنداعى جاۋاپكەرشىلىكتى سەزىنىپ كەلەدى. ءبىزدىڭ ەلدىڭ ساياسي جۇيەسىنە اسسامبلەيا بارلىق ەتنوستار مەن كونفەسسيالاردى ينتەگراتسيالادى. اسسامبلەيانى ءبىزدىڭ ەلدىڭ ساياسي جۇيەسىنە ينتەگراتسيالاي وتىرىپ, ءبىز ءوزىمىزدىڭ ۇلتتىق بىرلىكتىڭ باعىتىن قۇردىق» دەدى تۇڭعىش پرەزيدەنت – ەلباسى ن.نازارباەۆ.
نۇرسۇلتان نازارباەۆ ءوز سوزىندە مەملەكەت ەتنيكالىق تىلدەر مەن مادەنيەتتەرگە دە قامقور بولىپ كەلە جاتقانىن تىلگە تيەك ەتتى. «ەلىمىزدەگى 88 مەكتەپ وزبەك, تاجىك, ۇيعىر, ۋكراين تىلىندە ءبىلىم بەرەدى. ال 108 مەكتەپتە قازاقستان ەتنوستارىنىڭ 22 ءتىلى جەكە ساباق رەتىندە وقىتىلادى. ەلىمىزدە 15 تىلدەگى 35 ءباسپاسوز بار. 11 تىلدە تەلەارنالاردا باعدارلامالار شىعىپ جاتىر. 14 ورىس تەاترى بار. وزبەك, ۇيعىر جانە كورەي تەاترلارى بار. مۇنداي تەك ءبىزدىڭ ەلدە عانا بار», دەدى ەلباسى.