«قۇرامىندا 200-گە جۋىق قىزمەتكەرى بار شىعارماشىلىق ۇجىم 16 جىلدىڭ ىشىندە ءۇش حالىقارالىق جانە ءبىر رەسپۋبليكالىق تەاتر فەستيۆالىنىڭ باس جۇلدەسىن, بىرنەشە رەت اتاۋلى نوميناتسيانى يەلەنگەن. قۇر قول قايتقان كەزىمىز جوق. الداعى جوسپارلارىمىز تۋرالى ايتار بولساق, زامانىمىزدىڭ زاڭعار جازۋشىسى, كەمەڭگەر قايراتكەر ءا.كەكىلباەۆتىڭ 80 جىلدىعىنا وراي تۇركسوي ۇيىمىمەن جانە مادەنيەت جانە سپورت مينيسترلىگىنىڭ قولداۋىمەن «ءابىش الەمى» اتتى ءى حالىقارالىق تەاتر فەستيۆالىن وتكىزۋگە دايىندالىپ جاتىرمىز. وسى ساپارىمىزدا شىمكەنتتىك كورەرمەندەرگە «شىڭىراۋ» (دراما), «اتىڭ ءوشسىن,...!» (تراگيفارس), «ءاليحاننىڭ اماناتى» (رەكۆيەم), «حانۋما» (پوپ-ارت مۋزىكالىق كومەديا) قويىلىمدارىن ۇسىنباقپىز», دەدى توقتامۇرات تىلەۋ.
«ەلىمىزدەگى ەڭ جاس تەاتر بولساق تا اكتەرلەرىمىز وزدەرىن شىعارماشىلىق تۇرعىدان ۇنەمى شىڭداپ كەلەدى», دەيدى قوناقتار. ونىڭ جارقىن دالەلى رەتىندە «دارىن»مەملەكەتتىك جاستار سىيلىعىنىڭ جانە «ەڭلىكگۇل» كاسىبي سىيلىعىنىڭ يەگەرى مەدعات ومىراليەۆتى ايتۋعا بولادى. مۇنان بولەك, تەاتر ارتىستەرى وتاندىق سەريالدار مەن فيلمدەرگە («كۇلاش», «قىز جولى», «اقىلدىڭ كىلتى», «تار زامان», «بالۋان شولاق») ءتۇسىپ, ۇلتىمىزدىڭ كوپتەگەن مەملەكەت جانە ونەر قايراتكەرلەرىنىڭ رولدەرىن ءساتتى سومداپ, رەسپۋبليكا كورەرمەندەرىنىڭ اراسىندا تانىمالدىلىققا يە بولعان.
شىمكەنت