ءبىزدىڭ جەرلەستەرىمىزدىڭ العاشقى قارسىلاسى – سلوۆەنيا قۇراماسى.
حوككەيدەن ا توبىنداعى العاشقى ديۆيزيوننىڭ الەم چەمپيوناتى 2019 اسەرلى شوۋ-باعدارلامامەن اشىلماق.
«اشىلۋ سالتاناتىندا جانكۇيەرلەردى 3D-تەحنولوگيالار قولدانىلعان لازەرلىك شوۋ كۇتەدى. ءتۋرنيردىڭ اشىلۋ سالتاناتى 29 ساۋىردە ساعات 19:30-دا «بارىس-ارەنادا» وتەتىن بولادى. ەستەرىڭىزگە سالايىق ساعات 20:00-دە قازاقستان مەن سلوۆەنيا قۇرامالارى اراسىنداعى ماتچ باستالادى», – دەلىنگەن حابارلامادا.
العاشقى ديۆيزيونداعى حوككەيدەن الەم چەمپيوناتى قازاقستاندا تۇڭعىش رەت وتكىزىلۋدە. توپ-ديۆيزيونعا ەكى جولداما الۋ ءۇشىن قازاقستان, سلوۆەنيا, بەلورۋس, وڭتۇستىك كورەيا, ۆەنگريا جانە ليتۆا قۇرامالارى باق تالاستىراتىن بولادى.