قازاقستان پرەزيدەنتى «ءبىر تەرەزە» قاعيداتى بويىنشا جاستارعا قىزمەت كورسەتەتىن رەسپۋبليكاداعى العاشقى مەكەمەگە – پاۆلودار قالاسىنداعى جاستار باستامالارىن دامىتۋ ورتالىعىنا باردى.
بۇل ورتالىق ايماق جاستارىنا جۇمىسقا ورنالاسۋ, مەملەكەتتىك تۇرعىن-ءۇي باعدارلامالارىنا قاتىسۋ, كاسىپكەرلىكتى دامىتۋ ماسەلەلەرى بويىنشا اقپاراتتىق-كونسۋلتاتسيالىق كومەك كورسەتەدى. جاستاردى قۇقىقتىق, پسيحولوگيالىق تۇرعىدان قولداۋ جانە كاسىبي باعدار بەرۋ – ورتالىق جۇمىسىنىڭ نەگىزگى باعىتتارىنىڭ ءبىرى. مۇندا ايىنا 2 مىڭنان استام ادامعا قىزمەت كورسەتىلەدى.
قاسىم-جومارت توقاەۆ جاستارعا ايتقان سوزىندە تاۋەلسىزدىكتىڭ العاشقى كۇندەرىنەن باستاپ ەلباسىنىڭ وسكەلەڭ ۇرپاققا ەرەكشە كوڭىل بولگەنىن اتاپ ءوتتى. مەملەكەت باسشىسى جاستاردىڭ بارلىق باستامالارىنا قولداۋ كورسەتە بەرەتىنىن جەتكىزدى.