بىردەن ايتا كەتەيىك, جۇما كۇنگى كەشتە وسى ويىندى تاماشالاۋ ءۇشىن «الماتى ارەناعا» 12 090 كورەرمەن جينالدى. بۇل – فۋتزالدان كلۋبتار اراسىنداعى جارىستاردىڭ رەكوردتىق كورسەتكىشى! بۇرىن-سوڭدى ءدال وسىنشا كوپ ادام ءبىر عانا ويىندى تاماشالاۋ ءۇشىن سپورت كەشەنىنە جينالعان ەمەس.
ماتچتىڭ ءبىرىنشى تايمىندا كورەرمەندەر سوعىلعان گولدى كورە العان جوق. ەسەسىنە, ۇزىلىستەن كەيىن قوس قاقپاعا جەتى بىردەي دوپ سوعىلدى. الماتىلىقتار قارسىلاستار قاقپاسىن بەس مارتە ءدال كوزدەسە, قوناقتار ەكى ءرات مەرگەندىك تانىتتى. ەسەپ – 5:2. «قايراتتىڭ» ويىنشىلارى اراسىنان حوسسەين تايەبي دۋبل اۆتورى اتانسا, دجون لەننون, ەدسون جانە دۋگلاس ءبىر-ءبىر رەتتەن دوپتى توردا تۋلاتتى.
كەلەسى جارتىلاي فينالدىق ويىندا پورتۋگاليانىڭ «سپورتينگى» يسپانيانىڭ «ينتەر-موۆيستار» كلۋبىن 5:3 ەسەبىمەن ۇتتى. وسىلايشا, بىلتىرعى جىلعى چەمپيون ءوز تۇعىرىنان تايدى.
بۇگىن «الماتى ارەنادا» ەك كەزدەسۋ وتەدى. نۇر-سۇلتان ۋاقىتى بويىنشا 17:30-دا «بارسەلونا» مەن «ينتەر-موۆيستار» ءۇشىنشى ورىن ءۇشىن تالاسادى. ال 20:00-دە «قايرات» پەن «سپورتينگ» باس جۇلدەنى ءوزارا ساراپقا سالادى.