قازاقستان پرەزيدەنتى قاسىم-جومارت توقاەۆ جۇمىس ساپارىمەن پاۆلودار وبلىسىنا كەلدى. بۇل تۋرالى مەملەكەت باسشىسىنىڭ ءباسپاسوز حاتشىسى بەرىك ءۋالي فەيسبۋكتە ءمالىم ەتتى, دەپ حابارلايدى قازاقپارات.
«ساپار اياسىندا قاسىم-جومارت توقاەۆ ءوڭىردىڭ بىرقاتار الەۋمەتتىك جانە يندۋستريالىق نىساندارىن ارالاپ كورىپ, مەملەكەتتىك باعدارلامالاردىڭ جۇزەگە اسىرىلۋ بارىسىمەن تانىسادى. سونداي-اق, مەملەكەت باسشىسىنىڭ وبلىس جۇرتشىلىعىمەن, سونىڭ ىشىندە مۇعالىمدەر قاۋىمىمەن, ەڭبەك ۇجىمدارىمەن, جاستار وكىلدەرىمەن كەزدەسۋى جوسپارلانۋدا», - دەپ جازدى ب.ءۋالي.
«قازاقپارات» حاا مەنشىكتى ءتىلشىسىنىڭ اقپاراتىنشا, پرەزيدەنت سونىمەن قاتار, «قازاقستان ەلەكتروليزدى زاۋىتى» اق-نىڭ كەڭەسىنە قاتىسادى دەپ كۇتىلۋدە. بۇدان بولەك, «پاۆلودار مۇناي حيميا زاۋىتى» جشس-عا, جاستار باستامالارىن دامىتۋ ورتالىعىنا جانە نازارباەۆ زياتكەرلىك مەكتەبىنە باراتىنى كوزدەلگەن.