سكانديناۆيالىق ءجۇرىس – دەنە ءپىشىنىن, حال-احۋالدى جانە كوڭىل كۇيدى جاقسارتۋ, سونىمەن قاتار سالماقتى باقىلاۋدىڭ قاراپايىم, قولجەتىمدى جانە وتە ءتيىمدى ءتاسىلى. قازاقستاندىقتار اراسىندا سكانديناۆيالىق ءجۇرىستىڭ تانىمالدىلىعى جىل سايىن ءوسىپ كەلەدى. جارىسقا بارلىق جاستاعى بەلسەندى ازاماتتار قاتىسا الادى.
ايتۋلى فەستيۆال 2019 جىلعى 2 ماۋسىمدا, الماتى قالاسىنداعى «اتاكەنت» كورمە كەشەنى الاڭىندا وتەدى دەپ كۇتىلۋدە. ەلىمىزدە وتكىزىلەتىن باسقا سپورتتىق ءىس-شارالارعا قاراعاندا, سكانديناۆيالىق ءجۇرىس بويىنشا فەستيۆالدە سپورتتىق قاشىقتىقتىڭ ءاربىر قاتىسۋشىسى مەن كورپوراتيۆتىك كوماندالارى ءۇشىن ۋاقىت بەلگىلەنەتىن بولادى, ال قوزعالىستىڭ دۇرىستىعى مەن كوركەمدىلىگىن كاسىپقوي قازىلار قاداعالاماق. مۇمكىندىكتەرى شەكتەلگەن قاتىسۋشىلار ءۇشىن جەكە ەسەپ جاسالعان, ولار تىركەۋ جارناسىن تولەمەيدى. ۇيىمداستىرۋشىلار جارىستارعا كورپوراتيۆتىك قاتىسۋدىڭ تانىمالدىلىعىنا ۇلكەن ءۇمىت ارتىپ وتىر. بۇل كومپانيالار مەن ۇيىمدارعا جارىس جولىن وزدەرىنىڭ جارقىن برەندتى سپورتتىق كيىمىندە ءوتىپ, كومپانيالارى مەن برەندتەرىنىڭ اتاۋلارىن تانىتۋعا زور مۇمكىندىك تۋدىرماق. الايدا باستى ماقسات اۋىزبىرلىكتى جانە كورپوراتيۆتىك رۋحتى نىعايتۋ.
بارلىق قاتىسۋشىلارعا ماقتاۋ قاعازدارى مەن جۇلدەلەر تاپسىرىلادى, ال جەڭىمپازدار – ەستەلىك مەدالدارعا يە بولادى. قاتىسۋشىلاردى ونلاين-تىركەۋ فەستيۆال سايتىندا بەلسەندى جۇرگىزىلىپ جاتىر. www.nordicwalkingfest.kz.
– سكانديناۆيالىق ءجۇرىس – راحاتقا بولەنىپ, ءوزىڭىزدى جاقسى قالىپتا ۇستاۋعا مۇمكىندىك بەرەتىن, بارلىق جاستاعى ادامدار ءۇشىن فيتنەستىڭ اسەم ءتۇرى. ءبىز, بارلىق قاتىسۋشىلار ءۇشىن ۋاقىتتى ەسەپتەۋمەن جانە تاجىريبەلى جانە باستاۋشى «نورديكتەر» ءۇشىن قاشىقتىقتارى بەلگىلەنگەن العاشقى جەكە جارىستى ويلاستىردىق. Almaty Nordic Fest بەلسەندى قازاقستاندىقتاردىڭ جۇرەگىن جاۋلاپ الادى دەگەن ۇمىتتەمىن, - دەيدى قور ديرەكتورى, ۆانكۋۆەردەگى وليمپيادا ويىندارىنىڭ كۇمىس جۇلدەگەرى ەلەنا حرۋستالەۆا.
سكانديناۆيالىق ءجۇرىس بويىنشا Almaty Nordic Walking Fest فەستيۆالى الماتى قالاسىنىڭ 2019 جىلداعى سپورتتىق وقيعالارىنىڭ رەسمي كۇنتىزبەسىنە ەنگىزىلگەن. ەلەنا حرۋستالەۆانىڭ وليمپيادالىق قورىنىڭ جوسپارىندا سكانديناۆيالىق ءجۇرىس بويىنشا فەستيۆالدى قازاقستان استاناسى نۇر-سۇلتان قالاسىندا جانە شىمكەنت قالاسىندا, سونىمەن قاتار بولاشاقتا كورشىلەس وزبەكستان مەن قىرعىزستاندا دا وتكىزۋ يدەياسى بار.
الماتى قالاسى سپورت باسقارماسىنىڭ باسشىسى رۇستەم بايسەيىتوۆ مۇنداي بۇقارالىق سپورت ءىس-شارالارىنىڭ ۇلت دەنساۋلىعىن قالىپتاستىرۋداعى ماڭىزى زور ەكەنىن اتاپ ءوتتى.
– الماتى قالاسى بۇكىل ورتالىق ازيانىڭ بۇقارالىق سپورتتىق جارىستارىن وتكىزۋدىڭ استاناسىنا اينالدى. بۇل ءىس-شارالار قالا تۇرعىندارىنىڭ حال-جاعدايىنا, سول سياقتى قالانىڭ ەكونوميكاسىنا ءپوزيتيۆتى اسەر ەتۋدە. سكانديناۆيالىق ءجۇرىس ءۇشىن الماتىدا بارلىق جاعدايلار بار. شاھاردا بەلسەندى دەمالۋعا ارنالعان مارشرۋتتار مەن ايماقتاردىڭ جەلىسى تۇراقتى كەڭەيۋدە. ءبىز, سكانديناۆيالىق ءجۇرىس فەستيۆالىنىڭ كەڭگە وركەن جاياتىنىنا سەنەمىز, - دەيدى رۇستەم بايسەيىتوۆ.
ءىس-شارانى قر ۇلتتىق وليمپيادا كوميتەتى, سونىمەن قاتار بىرقاتار ءىرى حالىقارالىق كومپانيالار دا قولداپ وتىر.
– ەلەنا حرۋستالەۆانىڭ وليمپيادالىق قورىن ءبىز داڭقتى قازاقستاندىق ءالپينيستشى ماقسۇت جۇماەۆپەن جانە فريستايل بويىنشا الەم چەمپيونى يۋليا گالىشەۆامەن بىرلەسىپ, سپورتشى جاستاردى قولداۋ, حالىقارالىق جارىستاردىڭ قارساڭىندا قاجەتتى جاتتىعۋلار مەن جارىستىق تاجىريبەنى قامتاماسىز ەتۋ ماقساتىمەن, سونىمەن قاتار حالىقتى بەلسەندى ءومىر سالتىنا تارتۋ بويىنشا ءىس-شارالاردى وتكىزۋ ءۇشىن قۇردىق, – دەيدى ەلەنا حرۋستالەۆا.
ماكسيم پروششەنكو باسقاراتىن ەلىمىزدەگى العاشقى «ەۋرازيا» سكانديناۆيالىق ءجۇرىس مەكتەبى جوبانىڭ باستى سەرىكتەستەرىنىڭ ءبىرى. قاتىسۋشىلاردىڭ قاشىقتىقتان ءوتۋ ۋاقىتىن ولشەۋگە, تراسسالاردى بولۋگە كاسىبي ماماندار جۇمىلدىرىلاتىن بولادى. ۇيىمداستىرۋشىلار القاسى فەستيۆال قاتىسۋشىلارى ءۇشىن بىرقاتار شەبەرلىك ساباقتارى مەن جاتتىعۋلار وتكىزىلەتىنىن ايتادى.
الماتى