قازاقستان حالقى اسسامبلەياسى اياسىندا قوعامدىق كەلىسىمدى نىعايتۋ بويىنشا جۇمىستاردى جالعاستىرامىز. بۇل تۋرالى «Nur Otan» پارتياسىنىڭ كەزەكتەن تىس ءحىح سەزىندە قر تۇڭعىش پرەزيدەنتى - ەلباسى نۇرسۇلتان نازارباەۆ ايتتى دەپ حابارلايدى قازاقپارات ءتىلشىسى.
«قازاقستان حالقى اسسامبلەياسى اياسىندا اۋقىمدى جۇمىس كۇتىپ تۇر, ونىڭ سەسسياسىن جاقىن ۋاقىتتا وتكىزەمىز. ءبىز قوعامدىق كەلىسىم مەن ۇلت بىرلىگىن نىعايتۋ بويىنشا ءىسىمىزدى جالعاستىرامىز», - دەدى ەلباسى.
سونىمەن قاتار, ن. نازارباەۆ قاۋىپسىزدىك كەڭەسىنىڭ نەگىزگى جۇمىسىنا توقتالدى.
«قابىلدانعان زاڭعا سايكەس, قاۋىپسىزدىك كەڭەسىنە باسشىلىق ەتە وتىرىپ, ءوزىمنىڭ كوپ جىلدىق تاجىريبەمدى ىشكى ءارى سىرتقى ساياساتتى ايقىنداي وتىرىپ, مەملەكەتتىڭ دامۋىنداعى نەگىزگى بىرقاتار ماسەلەلەرىن شەشۋگە باعىتتايمىن», - دەدى تۇڭعىش پرەزيدەنت.