ينكليۋزيۆتى ءبىلىم بەرۋ بۇگىنگى تاڭدا الەم جۇرتشىلىعىنىڭ نازارىن اۋدارىپ وتىرعان ماسەلە. بۇل بالالاردىڭ جەكە سۇرانىستارى مەن ەرەكشەلىكتەرىنە ورتانىڭ, وتباسىنىڭ قاتىسۋىمەن ءبىلىم بەرۋ ۇردىسىنە تولىق قوسۋدى تالاپ ەتەدى. بۇل باعىتتا ەلىمىزدە ينكليۋزيۆتىك ءبىلىم بەرۋدى 2020 جىلعا دەيىن 70% جەتكىزۋ جوسپارلاعان.
وبلىستىق پارتيا فيليالى جانىنداعى پارتيالىق باقىلاۋ كوميسسياسى, مەملەكتتىك ورگاندار, وبلىستىق مۇگەدەكتەر قوعامى جانە سالالىق ۇكىمەتتىك ەمەس ۇيىمدار وكىلدەرىن قامتىعان ساراپتامالىق توپ جۇمىسىنىڭ ماقسات-مىندەتىنە وبلىستىق پارتيا فيليالى توراعاسىنىڭ ورىنباسارى ەرجان بايتىلەس تۇسىنىك بەردى.
- جالپى, وڭىردە ينكليۋزيۆتى ءبىلىم بەرۋگە بەيىمدەلگەن 112-بالاباقشا, 148-مەكتەپ, 18-كاسىپتىك تەحنيكالىق كوللەدجدەر بار. ولاردا 79 مۇمكىندىگى شەكتەۋلى بالالار مەن جاسوسپىرىمدەر ءبىلىم الىپ جاتىر. الايدا, ەرەكشە ءبىلىم الۋ قاجەتتىلىگى بار بالالاردىڭ ارنايى ماماندارى جوق ورىنداردا ءبىلىم الىپ, باعدارلامانى يگەرۋ ساپاسى تومەن بولاتىندىعى انىق. سوندىقتان, باعدارلامانى يگەرە الماۋ سالدارىنان سوڭعى كەزدەرى ۇيدەن ءبىلىم الاتىن وقۋشىلار سانى كوبەيىپ وتىر. ساراپتامالىق توپ جۇمىسىنىڭ نەگىزگى ماقساتى اتالمىش ورىندارىنداعى كەمشىلىكتەردى انىقتاپ, مۇمكىندىگى شەكتەلۋى بالعىندارعا كەدەرگىسىز ورتا قالىپتاستىرۋ, ولاردىڭ ساپالى ءبىلىم الۋىنا جاعداي جاساۋ, قوعام نازارىن اۋدارتۋ, - دەدى ول.
ساراپتامالىق توپ, قالاداعى №5 «شاتتىق» بالاباقشاسى, م.ءا.سۋجيكوۆ اتىنداعى № 6 ورتا مەكتەپ پەن «بولاشاق» مەديتسينا كوللەدجىندەگى جۇمىستارمەن تانىستى.