كورەيا رەسپۋبليكاسىنىڭ پرەزيدەنتى مۋن چجە ءيننىڭ قازاقستان رەسپۋبليكاسىنا ساپارى 21 جانە 23 ءساۋىر ارالىعىن قامتيدى.
وڭتۇستىك كورەيانىڭ باسشىسى مەن ونىڭ جۇبايى كيم چجون سۋك نۇر-سۇلتان قالاسىنا 20 ساۋىردە كەلگەن بولاتىن. بۇگىن تاڭەرتەڭ ولار «وتان قورعاۋشىلار» مونۋمەنتىنە گۇل شوقتارىن قويدى.
جينالعاندار وتان ءۇشىن جانىن قيعان جاۋىنگەرلەردى ءبىر مينۋت ۇنسىزدىكپەن ەسكە الدى. بۇدان كەيىن قوس ەلدىڭ ءانۇراندارى شىرقالدى.
سودان سوڭ كورەيا باسشىسى مەملەكەت باسشىلارىنىڭ اللەياسىنا اعاش وتىرعىزدى. مۇندا قازاقستان استاناسىنا كەلەتىن ءتۇرلى ەلدەردىڭ مەملەكەت باسشىلارى داستۇرگە ساي تال ەگەدى.
كورەيا رەسپۋبليكاسىنىڭ پرەزيدەنتى مۋن چجە ين ساپارى بارىسىندا قر تۇڭعىش پرەزيدەنتى – ەلباسى نۇرسۇلتان نازارباەۆ جانە مەملەكەت باسشىسى قاسىم-جومارت توقاەۆپەن ەكىجاقتى كەزدەسۋلەرگە, سونداي-اق قازاقستان-كورەيا بيزنەس-فورۋمىنا قاتىسادى دەپ جوسپارلانۋدا.