شارانى دۇنيەجۇزىلىك زياتكەرلىك مەنشىك ۇيىمى مەن اۆتورلىق قۇقىقتار جونىندەگى بەيجىڭ بيۋروسى ۇيىمداستىردى. فورۋمعا دزمۇ-عا قاتىسۋشى ەلدەردىڭ, قحر اۆتورلىق قۇقىقتار جونىندەگى ۇلتتىق اكىمشىلىگىنىڭ, پروديۋسەرلىك كومپانيالاردىڭ جانە اكتەرلىك گيلديالاردىڭ وكىلدەرى قاتىستى.
فورۋم بارىسىندا س. بەكتۇرعانوۆ «قازاقستان رەسپۋبليكاسىنداعى كينو يندۋسترياسىنىڭ جەتىستىكتەرى جانە ونىڭ قۇقىقتىق رەتتەلۋى» تاقىرىبى بويىنشا بايانداما جاسادى. سەناتور ءوز سوزىندە قاتىسۋشىلارعا قازاقستاندىق كينەماتوگرافيا تاريحى, فيلمدەر تۇسىرۋدەگى شەتەلدىك كومپانيالارمەن ىنتىماقتاستىق تاجىريبەسى تۋرالى ايتىپ بەردى, سونداي-اق ەلىمىزدىڭ «كينەماتوگرافيا تۋرالى» جانە «اۆتورلىق قۇقىق جانە ساباقتاس قۇقىقتار تۋرالى» زاڭدارىن ىسكە اسىرۋدىڭ نەگىزگى ەرەجەلەرى تۋرالى حاباردار ەتتى.
سەناتور فورۋم اياسىندا سونداي-اق قحر اۆتورلىق قۇقىقتار جونىندەگى ۇلتتىق اكىمشىلىك دەپارتامەنتىنىڭ باس ديرەكتورى يۋ تسەكيمەن كەزدەستى.
كەزدەسۋدە كينو, اۆتورلىق جانە ساباقتاس قۇقىقتاردى قورعاۋ سالاسىنداعى ەكىجاقتى ىنتىماقتاستىق ماسەلەلەرى جانە بەيجىڭ شارتىنا قوسىلۋ ماسەلەلەرى تالقىلاندى.
بەيجىڭدەگى اۋديوۆيزۋالدى ورىنداۋلار جونىندەگى شارت 2012 جىلدىڭ ماۋسىم ايىندا بەيجىڭدە وتكەن اۋديوۆيزۋالدى ورىنداۋلاردى قورعاۋ جونىندەگى ديپلوماتيالىق كونفەرەنتسيادا قابىلدانعان بولاتىن. ساندىق تەحنولوگيالاردىڭ جاپپاي ەنگىزىلۋىن ەسكەرە وتىرىپ, اۆتورلىق قۇقىقتى قورعاۋ جۇيەسى بەيجىڭ شارتىنىڭ ءمانى بولىپ تابىلادى.