كەشە پرەمەر-مينيستر ك.ءماسىموۆ يسلامدىق قارجىلاندىرۋ جونىندەگى قازاقستاندىق كونفەرەنتسيا شەڭبەرىندە يسلام قارجى ينستيتۋتتارىنىڭ وكىلدەرى – ازيانىڭ يسلام بانكى ديرەكتورلار كەڭەسىنىڭ توراعاسى, باحرەين كورولدىگى پرەمەر-ءمينيسترىنىڭ ەكونوميكالىق ماسەلەلەر جونىندەگى كەڭەسشىسى ابدۋللا حاسان سايفپەن جانە يسلام قارجى قىزمەتتەرى كەڭەسىنىڭ (مالايزيا) باس حاتشىسى ريفاات احمەد ابدەل كاريممەن بىرقاتار كەزدەسۋلەر وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋدە قازاقستانداعى يسلام بانكينگىنىڭ ماسەلەلەرى تالقىلاندى.
پرەمەر-مينيستر 2020 جىلى قازاقستاننىڭ تمد-دا يسلامدىق قارجىلاندىرۋ بويىنشا وڭىرلىك ورتالىق رەتىندەگى ينستيتۋتتانۋ بارىسى تۋرالى حابارلادى. مۇنداي مىندەتتى رەسپۋبليكا پرەزيدەنتى نۇرسۇلتان نازارباەۆ قازاقستان حالقىنا ارناعان جولداۋىندا قويعان بولاتىن.
ك.ءماسىموۆ قازاقستاننىڭ يسلام بانكينگىن دامىتۋ ۇدەرىسىن جەدەلدەتۋگە مۇددەلى ەكەنىن اتاپ ءوتتى جانە ۇكىمەتتىڭ بانكتەردىڭ ەلىمىزدە يسلامدىق قارجىلاندىرۋ پرينتسيپتەرى نەگىزىندە جۇمىس ءىستەۋى ءۇشىن بارلىق قاجەتتى جاعدايلاردى جاساۋعا دايىن ەكەنىن ءبىلدىردى.