اپات سالدارىنان جەڭىل كولىكتە وتىرعان ايەل وقيعا ورنىندا كوز جۇمدى. سول ساتتە شىمكەنت قالاسىنان الماتى قالاسىنا باعىت العان Van Hool (مەملەكەتتىك نومەرى 8213 FA 13) اۆتوبۋسى اپاتقا ۇشىراعان كولىكتى اينالىپ وتپەك بولىپ, اۋدارىلىپ, 8 جولاۋشى وقيعا ورنىندا قازا بولدى. سونىمەن قاتار 42 ادام زارداپ شەككەن. كولىك ىشىندە 46 ازامات بولعان بولسا, كەيىننەن ولاردىڭ قاتارىندا وزبەكستان جانە تاجىكستان ازاماتتارىنىڭ بولعانى انىقتالدى. ال قالعان 2 جولاۋشى – قازاقستاندىق ازامات.
وبلىس اكىمدىگى ءباسپاسوز قىزمەتىنىڭ حابارلاۋىنشا, وقيعا ورنىنا جەدەل تۇردە قورداي اۋدانىنىڭ اكىمى بولاتبەك بايتولە جانە جەدەل جاردەم, توتەنشە جاعداي قىزمەتتەرى جەتىپ, زارداپ شەككەندەردى وتار ستانساسىنداعى جانە قورداي اۋدانىنداعى اۋرۋحانالارعا جەتكىزدى. اپاتقا ۇشىراعانداردىڭ 2-ەۋى اۋرۋحاناعا جەتپەي كوز جۇمعانى بەلگىلى بولدى. سونىمەن اپات سالدارىنان 11 ادام قازا تاپتى. سونداي-اق 5 ادام وتا ۇستەلىندە, ال 3 ادام جان ساقتاۋ بولىمىندە جاتىر. جاراقات العان باسقا جولاۋشىلارعا ءتيىستى كومەك كورسەتىلۋدە. زارداپ شەككەندەرگە جەدەل كومەك كورسەتۋگە وبلىستىق دەنساۋلىق باسقارماسىنىڭ باسشىسى مارات جۇمانقۇلوۆ باستاعان 3 وتاشى-دارىگەر تىكۇشاقپەن قورداي اۋدانىنا باردى.
م.جۇمانقۇلوۆتىڭ ايتۋىنشا, بۇگىنگى تاڭدا 31 ازاماتقا مەديتسينالىق كومەك كورسەتىلگەن. سونىمەن قاتار 9 ازامات وزبەكستان رەسپۋبليكاسى توتەنشە جاعدايلار مينيسترلىگىنىڭ جەلىسى ارقىلى وزبەكستان رەسپۋبليكاسىنا اۋىستىرىلعان. ال 4 ازامات قورداي اۋداندىق اۋرۋحاناسىنا جاتقىزىلعان بولسا, 5 جولاۋشى №1 تاراز قالالىق اۋرۋحاناسىنا جاتقىزىلعان.
ال 9 ادامدى تۋىستارى الماتى قالاسىنا الىپ كەتسە, 4 ادام تۋىستارىنىڭ كومەگىمەن شىمكەنت قالاسىنا جەتكىزىلگەن. «اسكەري گوسپيتالدەن بارلىق ناۋقاستار قورداي اۋداندىق ورتالىق اۋرۋحاناسىنا اۋىستىرىلدى. اۋرۋحانادا جاتقان ناۋقاستار قاجەتتى ءدارى-دارمەكتەرمەن تولىق قامتاماسىز ەتىلگەن», دەيدى م.جۇمانقۇلوۆ.
ورىن العان وقيعاعا قاتىستى وبلىس اكىمى اسقار مىرزاحمەتوۆتىڭ تاپسىرماسىمەن تاراز قالاسىندا ارنايى كوميسسيا قۇرىلدى. سونىمەن قاتار تاۋلىك بويى قاۋىرت جەلى ىسكە قوسىلدى. كوميسسيا قۇرامىندا وبلىس اكىمىنىڭ ءبىرىنشى ورىنباسارى بەكبولات ورىنبەكوۆ, وبلىستىق پوليتسيا دەپارتامەنتىنىڭ باستىعى, پولكوۆنيك ارمان ورازاليەۆ جانە باسقا دا ءتيىستى لاۋازىم يەلەرى بار. كوميسسيا وقيعا ورنىنا بارىپ, جول-كولىك وقيعاسىنىڭ ءمان-جايىن انىقتاپ, زارداپ شەككەندەرگە ساپالى كومەك كورسەتۋدى ۇيىمداستىرۋدا. سونىمەن بىرگە وقيعا ورنىندا وبلىس پروكۋرورى جارقىن قۇسايىنوۆ جۇمىس ىستەدى. ال اپاتقا قاتىستى قازاقستان رەسپۋبليكاسى قىلمىستىق كودەكسىنىڭ 345-بابىنىڭ 4-تارماعىنا ساي قىلمىستىق ءىس قوزعالدى.
بۇگىنگى تاڭدا جامبىل وبلىسىندا جالپى ۇزىندىعى 266 شاقىرىمدى قۇرايتىن رەسپۋبليكالىق ماڭىزى بار «مەركە-شۋ-بۋرىلبايتال» اۆتوجولىنىڭ قايتا جاڭارتۋ جوباسى 101 ميلليارد تەڭگەنى قۇرايدى. جامبىل وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى باقىتجان جانىبەكوۆتىڭ ايتۋىنشا, قىتايلىق «سين-سين» جانە وتاندىق «ابك اۆتودور نس» بىرىككەن كومپانيالارى تاراپىنان اتالعان اۆتوجولدى قايتا جاڭارتۋ جۇمىستارى بيىلعى 7 ساۋىردەن باستالعان. جوبا 2019-2022 جىلدارى ىسكە اسىرىلاتىن بولادى. جامبىل وبلىسى