وبلىستىق پوليتسيا دەپارتامەنتىنىڭ قىزمەتكەرلەرى تەكسەرۋ شارالارىنىڭ ناتيجەسىندە رۋدنىي قالاسىنان قازاقستاندا تىيىم سالىنعان «الليا-ايات» سوقىر سەنىم-ميستيكالىق ۇيىمىنىڭ سوت ارقىلى دەنساۋلىققا قاۋىپتى دەپ جاريا بولعان «فارحات-اتا» ءتاسىلى بويىنشا تاۋىپتىك كورسەتىپ جۇرگەن بەلسەندى قىزمەتىن انىقتادى.
وسى ۇيىمدى باسقارىپ جۇرگەن رۋدنىي قالاسىندا تۇراتىن ەكى ايەل اكىمشىلىك جاۋاپكەرشىلىككە تارتىلىپ, ولارعا 50 ايلىق كورسەتكىش (120 مىڭ تەڭگە) كولەمىندە ايىپپۇل سالىندى.
رۋدنىيدا تاعى ءبىر زاڭسىز ءدىني ۇيىمنىڭ وكىلى ەكسترەميستىك, تاراتۋعا تىيىم سالىنعان ادەبيەتتەردى قازاقستانعا زاڭسىز اكەلىپ, ساقتاعانى ءۇشىن اكىمشىلىك جاۋاپكەرشىلىككە تارتىلىپ, وعان 70 ايلىق كورسەتكىش (170 مىڭ تەڭگە) كولەمىندە ايىپپۇل سالىندى.
ەسكە سالا كەتسەك, 2008 جىلى الماتى قالاسىندا, 2009 جىلى استانا قالاسىندا تىيىم سالىنعان «الليا-ايات» ۇيىمىنىڭ مۇشەسى فارحات-اتا دەگەن لاقاپ اتپەن بەلگىلى ف.ابدۋللاەۆتىڭ زاڭسىز قىزمەتىنە سوت تىيىم سالىپ, ونىڭ ارەكەتىنىڭ ادامدار دەنساۋلىعىنا قاۋىپتى ەكەنىن جاريا ەتكەن بولاتىن.