جاڭا جولاۋشىلار پويىزى جۇرە باستايدى

“قازاقستان تەمىر جولى” ۇلت­تىق كوم­پانياسى” اق ءۇستى­مىزدەگى جىل­دىڭ 19 ناۋ­رى­زى­نان باستاپ جولاۋ­شىلار تاسيتىن جانە قالا ما­­­ڭىنا قاتى­نايتىن پويىزداردى جولعا شى­عارادى. تاراتىپ ايتساق, استانا مەن الماتى قالالارىنىڭ اراسىندا 15 جولاۋشى ۆاگوندارىنان تۇراتىن №36/35 جاڭا جولاۋشىلار پويى­زى­نىڭ ءبىر قۇرامى ءۇش كۇندە ءبىر رەت قا­تىنايتىن بولادى. پويىزدىڭ اس­تانا قالاسىنان  الماتى قالا­سى­نا اتتانۋ ۋاقىتى – 17 ساعات 20 مي­­نوت­تە, ال الماتى قالاسىنان اس­تانا قالا­سىنا اتتانۋ ۋاقىتى – 18 ساعات 01 مينوتتە. ەكى قالا ارا­سىن­داعى جول ءجۇرۋ ۋاقىتى 19 ساعات 01 مي­نوت­تى جانە 20 ساعات 44 ءمينوتتى قۇرايدى. سونداي-اق حالىققا اپتاسىنا ەكى رەت (جۇما, جەكسەنبى كۇندەرى) قالا ماڭىنا قاتىنايتىن استانا – پاۆلودار باعىتىنا جۇرەتىن №801/802 جاڭا پويىز قىزمەت ەتەدى. ول وتە جايلى (1, 2, 3 كلاستى) 8 ۆا­گوننان تۇرادى. پويىزدىڭ استانا قالاسىنان پاۆلودار قالاسىنا ات­تانۋ ۋاقىتى – 17 ساعات 30 ءمينوت بولسا, پاۆلودار قالاسىنان استانا قا­لاسىنا اتتانۋ ۋاقىتى – 8 ساعات 45 ءمينوت. جول ءجۇرۋ ۋاقىتى 6 ساعات 29 ءمينوتتى جانە 20 ساعات 44 ءمينوتتى قۇرايدى. سونىمەن قاتار, اقتوبە – الماتى-2 باعى­تىنداعى №34/33 جو­لاۋ­شى­لار پويىزىنىڭ ءتورتىنشى قۇرامى قوسىمشا ەنگى­زى­لەدى. پويىز كۇن سايىن قاتىنايدى, بۇعان دەيىن بۇل پويىز اپتاسىنا 4 رەت قاتىناعان بولاتىن. ال كۇندە قاتىنايتىن №36/35 ال­ماتى – استانا, №802/801 اس­تانا – پاۆلودار باعى­تىن­داعى جاڭا پويىز­دارعا, سونداي-اق №34/33 اقتوبە – الماتى-2 قاتىنا­سىن­داعى جولاۋ­شى­لار پويىزىنا بي­لەتتەر وسى جىلدىڭ 12 ناۋرىزىنان باستاپ ساتىلادى. ءاليسۇلتان قۇلانباي.