بەيسەنبى, 31 مامىر 2012 7:36
سپورت الەمىندە وليمپيادا قارساڭىندا تاعى بىر داۋ شىقتى.
بىلتىر ازەربايجاننىڭ باكۋ قالاسىندا بوكستان وتكەن الەم چەمپيوناتىنىڭ الدىندا حالىقارالىق اۋەسقوي بوكس قاۋىمداستىعىنىڭ باسى ءبىر ۇلكەن داۋعا قالا جازداعانىن سپورتسۇيەر قاۋىم جاقسى بىلەدى. سول كەزدە بوكس قانا ەمەس, جالپى سپورت الەمى دەمىن ىشىنە تارتقان كۇي كەشىپ ەدى. ەندى, مىنە, سونداي جاعداي تاعى دا قايتالانىپ وتىر. ناقتىراق ايتقاندا, وسى كۇندەرى ءبىرتالاي اتاقتى سپورتشىلار دوپينگ قولدانعانى ءۇشىن جارىستان بىرىنەن سوڭ ءبىرى شەتتەتىلىپ جاتىر.
بەيسەنبى, 31 مامىر 2012 7:36
سپورت الەمىندە وليمپيادا قارساڭىندا تاعى بىر داۋ شىقتى.
بىلتىر ازەربايجاننىڭ باكۋ قالاسىندا بوكستان وتكەن الەم چەمپيوناتىنىڭ الدىندا حالىقارالىق اۋەسقوي بوكس قاۋىمداستىعىنىڭ باسى ءبىر ۇلكەن داۋعا قالا جازداعانىن سپورتسۇيەر قاۋىم جاقسى بىلەدى. سول كەزدە بوكس قانا ەمەس, جالپى سپورت الەمى دەمىن ىشىنە تارتقان كۇي كەشىپ ەدى. ەندى, مىنە, سونداي جاعداي تاعى دا قايتالانىپ وتىر. ناقتىراق ايتقاندا, وسى كۇندەرى ءبىرتالاي اتاقتى سپورتشىلار دوپينگ قولدانعانى ءۇشىن جارىستان بىرىنەن سوڭ ءبىرى شەتتەتىلىپ جاتىر.
ماسەلەن, اۋىر اتلەتيكادان بەيجىڭ وليمپياداسىنىڭ كۇمىس جۇلدەگەرى ۋكراين قىزى ولگا كوروبكا (75 كگ.) دوپينگ قولدانعانى ءۇشىن 4 جىلعا جارىستان شەتتەتىلدى. ول بىلتىر پاريجدە وتكەن الەم چەمپيوناتىندا قولا جۇلدەنى يەلەنىپ, الداعى وليمپيادادا ءوز سالماعىندا باس جۇلدەگە تالاسا الاتىن سپورتشىلاردىڭ ءبىرى ەكەنىن كورسەتكەن بولاتىن.
مۇنىڭ الدىندا بەيجىڭ وليمپياداسىنىڭ چەمپيونى قىتايلىق اۋىر اتلەت لياو حۋەي (69 كگ.) دە دوپينگتەن ۇستالىپ, 2014 جىلعا دەيىن جارىستاردان شەتتەتىلگەن ەدى. ءسويتىپ, ول دا بيىلعى وليمپياداعا قاتىسا المايتىن بولدى. تاعى دا ايتساق, ارمەنيانىڭ اۋىر اتلەتى گەۆورگ پوگوسيان دا وليمپياداعا قاتىسپايتىن بولىپ شەشىلدى. ونىڭ اعزاسىنان «وكساندرالون» پرەپاراتى تابىلعان. ەندى ول 2015 جىلعا دەيىن جارىستارعا قاتىسا المايدى.
قازىر حالىقارالىق اۋىر اتلەتيكا فەدەراتسياسى تايلاندتىڭ – 7, سيريانىڭ – 3, چيلي مەن يراكتىڭ 2 سپورتشىسىن كۇش كوبەيتەتىن دارىلەر پايدالانعانى ءۇشىن جارىستاردان شەتتەتىپ وتىر. ولاردىڭ ءبارى 2015 جىلعا دەيىن جارىسقا قاتىسۋ قۇقىعىنان ايىرىلدى. سونىمەن بىرگە, البانيانىڭ سپورتشىسى يلليريان سۋلي دە سپورتتان ءتورت جىلعا كەتتى. ونىڭ قانىنان «مەتانديەنون» ءدارىسى تابىلعان.