سەيسەنبى, 3 ءساۋىر 2012 7:35
استانادا ەلباسى نۇرسۇلتان نازارباەۆتىڭ جۇلدەسى ءۇشىن كۇرەس تۇرلەرىنەن وتكەن حالىقارالىق تۋرنيردە ەركىن كۇرەستەن قىتاي ۇلتتىق قۇراماسىندا قازاق بالۋانىنىڭ بەلدەسكەنىن كوردىك. اتى-ءجونى – ەرلانبەك كاتەي ۇلى ەكەن. 1990 جىلى قىتايدىڭ شىڭجاڭ-ۇيعىر اۆتونوميالى اۋدانى التاي ولكەسىنىڭ قىزىلتاس قالاسىندا تۋعان. كۇرەسپەن اينالىسقانىنا 5-6 جىل بولىپتى. قازىر 66 كيلو سالماقتا قىتاي قۇراماسىندا بەلدەسەدى.
سەيسەنبى, 3 ءساۋىر 2012 7:35
استانادا ەلباسى نۇرسۇلتان نازارباەۆتىڭ جۇلدەسى ءۇشىن كۇرەس تۇرلەرىنەن وتكەن حالىقارالىق تۋرنيردە ەركىن كۇرەستەن قىتاي ۇلتتىق قۇراماسىندا قازاق بالۋانىنىڭ بەلدەسكەنىن كوردىك. اتى-ءجونى – ەرلانبەك كاتەي ۇلى ەكەن. 1990 جىلى قىتايدىڭ شىڭجاڭ-ۇيعىر اۆتونوميالى اۋدانى التاي ولكەسىنىڭ قىزىلتاس قالاسىندا تۋعان. كۇرەسپەن اينالىسقانىنا 5-6 جىل بولىپتى. قازىر 66 كيلو سالماقتا قىتاي قۇراماسىندا بەلدەسەدى.
وسى تۋرنيردە ە.كاتەي ۇلىن ەرىكتىلەردەن سۇراستىرا ءجۇرىپ تاپتىق. ول اشىقجارقىن جىگىت ەكەن. بىزگە شاعىن سۇحبات بەرۋگە بىردەن كەلىستى. اۋەلى قاشان, قاي جىلى تۋعانىن, قازاقستانعا العاش رەت كەلىپ وتىرعانىن, بابالار مەكەنىنە كەلگەنىنە قۋانىشتى ەكەنىن جاسىرمادى. سودان كەيىن ءوزى شىڭجاڭدا تۋسا دا قازىر ىشكى قىتايدىڭ گۋانچجوۋ ايماعىندا جاتتىعاتىنىن, ەكى جىلدان بەرى قىتاي ۇلتتىق قۇراماسىندا ونەر كورسەتەتىنىن ايتتى. قىتايدا ودان باسقا قۋاتبەك, ءداۋىتنۇر, ورىنبەك دەگەن بالۋاندار دا بار ەكەن. ال ءوزىن كۇرەسكە اعاسى نۇرلانبەك اكەلگەن كورىنەدى. سويتسە دە العاشقى باپكەرلەرى تەمىربەك پەن سەرىك دەگەن ازاماتتار بولىپتى. سولاردىڭ قاراماعىندا جاتتىعا ءجۇرىپ, ۇلتتىق قۇراماعا ىلىگىپتى. قىتايدىڭ قۇراماسىنا ىلىگۋدىڭ ءوزى قيىننىڭ قيىنى ەكەنى بەلگىلى. اسىرەسە, ميللياردتان استام حالىقتىڭ ىشىندە ءوز سالماعىندا ورىن تابۋ ورىندالمايتىن ارمان سياقتى كورىنەدى. دەسەك تە, قانداسىمىز سونداي تار جول, تايعاق كەشۋدەن ءوتىپ, 70 بالۋاننىڭ ىشىندە ءوز سالماعىندا №1 اتانىپ, قۇراما ساپىنا قوسىلىپتى.
اڭگىمە كەزىندە ول وسى تۋرنيردە بەسىنشى ورىن العانىن ايتتى. كۇرەستە وليمپيادا جولداماسىن العان اقجۇرەك تاڭاتاروۆپەن بەلدەسىپ, ۇپاي سانى بويىنشا جەڭىلىپ قالعانىن بىلەتىنبىز. وسى بەلدەسۋدە اقجۇرەك ەرلانبەكتىڭ اۋەلى قازاق ەكەنىن ءبىلمەپتى. كەيىن, بەلدەسۋ بىتكەن سوڭ اقجۇرەككە قازاقشا: «راحمەت, اعا!» دەگەنىندە عانا تاڭاتاروۆ قارسىلاسىنىڭ قانداسى بولعانىنا تاڭقالىپتى. سودان ەكەۋى وڭاشا كەزدەسىپ, ۇزاق اڭگىمەلەسىپ, سىر بولىسكەن ەكەن. «وليمپياداعا قازاق بالاسى جولداما السا بولدى عوي. مەن جەڭىلگەنىمە وكىنبەيمىن. الدا تاعى ەكى جولداما بەرەتىن جارىس وتەدى. سول جەردە باعىمدى تاعى دا سىناپ كورەمىن», دەيدى ول.
داستان كەنجالين.
سۋرەتتى تۇسىرگەن ەركەبۇلان ەرعالي.