بيىل تۇرعىنداردا زاڭسىز ساقتالعان قارۋدى ءوز ەركىمەن وتكىزۋ اكتسياسى 2 كۇنگە سوزىلدى. وبلىس وڭىرىندە 2 كۇننىڭ ىشىندە تۇرعىنداردان 3 ميليون تەڭگەگە 65 قارۋ ساتىپ الىندى.
اكتسيا كەزىندە وبلىستىق پوليتسيا دەپارتامەنتىنە 50 تۇرعىننان وزىندە زاڭسىز ساقتالعان قارۋدى اقىسىنا ءوز ەركىمەن وتكىزگىسى كەلەتىنىن ايتقان وتىنىشتەر تۇسكەن. ولاردان 4 ءتۇرلى 65 مىلتىق جانە 54 وق-ءدارى ساتىپ الىندى.
وبلىستا بۇل اكتسيانى وتكىزۋ ءۇشىن رەسپۋبليكالىق بيۋدجەتتەن 3 ميلليون 225 مىڭ تەڭگە ءبولىندى. ال جالپى رەسپۋبليكا بويىنشا وسى ماقساتقا 11 ميلليون 168 مىڭ تەڭگە جۇمسالعان. قوستاناي وبلىسىنا تۇرعىنداردان قارۋ ساتىپ الۋعا بولىنگەن اقشا توللىعىمەن يگەرىلدى.
اكتسيا كەزىندە زاڭسىز ساقتاعان قارۋى مەن وق-دارىلەرىن ءوز ەركىمەن تاپسىرعان تۇرعىندار اكىمشىلىك جانە قىلمىستىق جاۋاپكەرشىلىكتەن بوساتىلدى.