سەنبى, 25 تامىز 2012 6:00
ادالدىق – اردىڭ ءىسى دەيتىن بولساق, اۋىلدىڭ قارا جولىندا شاڭعىتىپ ويناپ وسكەن بالا قانشا ەلدى ارالاپ, قانشا جەردىڭ ءدامىن تاتسا دا, تۋعان توپىراعىنىڭ باقالى كولى مەن بالدىرعاندى جەرىنە ادالدىعىن ەش وزگەرتپەك ەمەس. نەگىزى, ادام بالاسى ءوزى جاراتىلعان توپىراقپەن تامىرلاس. قانشاما اكادەميك-پروفەسسورلاردان العان سان سالالى ءبىلىمنىڭ شەتىن ۇستاپ ءجۇرسەڭ دە, تۋعان جەرىڭنىڭ اتى اتالسا, قۇلاعىڭدى توسىپ ەلەڭدەي قالاسىڭ. ءتىپتى «ءار باقا ءوز كولشىگىن ماقتايدى» دەگەندەي, ءدال سەنىڭ اۋىلىڭ, ءدال سەنىڭ اۋىلىڭنىڭ ادامدارى باسقالارعا ۇقسامايتىنىن ايتىپ, كوڭىلىڭ الابۇرتىپ, كوزىڭ ويناپ شىعا كەلەسىڭ. بۇل – تۋعان جەردىڭ, بالالىق باقىتتىڭ قۇدىرەتى.
سەنبى, 25 تامىز 2012 6:00
ادالدىق – اردىڭ ءىسى دەيتىن بولساق, اۋىلدىڭ قارا جولىندا شاڭعىتىپ ويناپ وسكەن بالا قانشا ەلدى ارالاپ, قانشا جەردىڭ ءدامىن تاتسا دا, تۋعان توپىراعىنىڭ باقالى كولى مەن بالدىرعاندى جەرىنە ادالدىعىن ەش وزگەرتپەك ەمەس. نەگىزى, ادام بالاسى ءوزى جاراتىلعان توپىراقپەن تامىرلاس. قانشاما اكادەميك-پروفەسسورلاردان العان سان سالالى ءبىلىمنىڭ شەتىن ۇستاپ ءجۇرسەڭ دە, تۋعان جەرىڭنىڭ اتى اتالسا, قۇلاعىڭدى توسىپ ەلەڭدەي قالاسىڭ. ءتىپتى «ءار باقا ءوز كولشىگىن ماقتايدى» دەگەندەي, ءدال سەنىڭ اۋىلىڭ, ءدال سەنىڭ اۋىلىڭنىڭ ادامدارى باسقالارعا ۇقسامايتىنىن ايتىپ, كوڭىلىڭ الابۇرتىپ, كوزىڭ ويناپ شىعا كەلەسىڭ. بۇل – تۋعان جەردىڭ, بالالىق باقىتتىڭ قۇدىرەتى. كەيىننەن ەل تىزگىنىن ۇستاپ, ماقتاۋلى مامان, اتپال ازامات بولعان جانداردىڭ ءوز اۋىلىن ۇمىتپاي, تىرشىلىگىنە ارالاسىپ وتىرعانىن كورگەندە, وسى قۇدىرەتتىڭ جۇرەك تۇكپىرىنەن ءوشپەگەنىنە كۋا بولاسىڭ. ءوزىم بىلەتىن سونداي ءبىر ازاماتتىڭ ءومىر جولى تۋرالى كىتاپتى وقي وتىرىپ, وسىنداي تولعانىستى باسىمنان كەشىردىم.قازاعىمنىڭ قايتپاس قارا نارىسىڭ,تۋعان ەلدىڭ ابىرويى, ارىسىڭ.تايتالاستا تايدىرماعان نامىسىن,ۇرپاعىڭا قاسيەتىڭ دارىسىن, – دەگەن اقىننىڭ ولەڭ جولدارىمەن باستالعان بۇل كىتاپ باسىنان اياعىنا دەيىن قازاقتىڭ قارا نارى, ەلىنىڭ سىيلى دا ۇلاعاتتى ازاماتى, قوعام قايراتكەرى ۇزاقباي قارامانوۆتىڭ ءومىر جولى مەن قىزمەتىنە ارنالىپتى.ۇزەكەڭمەن مەن ءبىرازدان تانىسپىن, ءوزىن كورمەي تۇرىپ, ءبىرىنشى اتىنا قانىقتىم. قۇرىلىس ينجەنەرى ماماندىعى قازاق جەرىندە تەك 60-جىلداردىڭ باسىندا عانا قالىپتاسا باستادى, دالىرەك ايتساق, وسى ماماندىق بويىنشا العاشقى تۇلەكتەر 1962 جىلى ەلىمىزدىڭ قۇرىلىس يندۋسترياسىن دامىتۋعا قانات قاققان ەدى. سول العاشقى تۇلەكتەردىڭ ءبىرى بولعانىم – مەن ءۇشىن ۇلكەن ماقتانىش. قازاق دالاسىندا ءساۋلەت ونەرى كەنجە قالعان دۇنيە ەمەس: قالالار, استانالاردى ايتپاعاندا, جاز-جايلاۋدان كەيىن قىستىڭ قاتال ىزعارىندا ىق-پانا بولاتىن قىستاقتار سالىنعانى بۇرىننان-اق بەلگىلى, بىراق حالىقتىڭ باسىم كوپشىلىگى ءۇشىن قۇرىلىس ءىسى اتا كاسىپ بولىپ قالىپتاسپاعان. سوندىقتان دا بولار, سول 60-جىلداردىڭ باسىندا قۇرىلىسشى جۇمىسشىلاردىڭ اراسىندا قازاقتار نەكەن-ساياق كەزدەسەتىن, قىز-كەلىنشەكتەر ءتىپتى بولمايتىن دا. قازىرگى نيكولسكي شىركەۋىنىڭ قاسىنداعى بازاردىڭ ماڭىندا ۋنيۆەرسيتەت جاتاقحاناسىن سالىپ جاتقان بريگاداعا ءبىر قازاق قىزىنىڭ جۇمىسقا كەلۋى ۇلكەن وقيعا بولعان. بۇل ءجايتتىڭ توسىن ءارى قىزىق بولىپ كورىنگەنى سونشالىق, الماتى قالاسى بويىنشا قۇرىلىس-مونتاج باسقارمالارىندا (سمۋ-17) قىزمەت اتقاراتىن 3-4 قارالى قازاق جىگىتى سول قىزدى كورۋگە بارعانبىز. ول كەزدە قۇرىلىسشى قىز-كەلىنشەكتەردىڭ ءبارى ورىستار بولاتىن, سولاردىڭ ىشىنەن كادىمگى جۇمىسشىنىڭ كومبينەزونىن كيىپ, قولىنا سىلاقشىنىڭ قۇرالىن ۇستاعان قازاعىمىزدىڭ قاراتورىسى كوزگە وتتاي باسىلعان ەدى. ول ۋاقىتتاردا قىز بالانىڭ قۇرىلىس ىسىندە قارا جۇمىس ىستەگەنى, ارينە, قازاق تاربيەسىنە جات نارسە ەدى.اتالمىش جىلدارعا دەيىن ماماندار رەسەي, ۋكراينا قالالارىنان ءبىلىم الىپ كەلىپ جاتاتىن. وندا دا وقۋعا باراتىندار جالپى بىلىمىمەن قاتار ورىس ءتىلى بويىنشا سىناقتار تاپسىرىپ, ابدەن ىرىكتەلەتىن. ءار وداقتاس رەسپۋبليكاعا بەرىلەتىن ورىن سانى دا شەكتەۋلى بولاتىن, سوندىقتان ۇمىتكەرلەرگە قويىلاتىن تالاپتىڭ ۇدەسىنەن شىعۋ بارلىعىنا بىردەي بۇيىرا قويمايتىن. ال سىننان سۇرىنبەي وتكەندەر قابىلدانعان وقۋ ورنىندا ءبىلىم الىپ, ءوز ماماندىعىن يگەرسە, تۋعان جەرىندە ونىڭ شاشاسىنا شاڭ تيمەيتىن, ويتكەنى قازاقتىڭ عاسىرلار بويعى مادەنيەتى, ونەرى بولعانىندا داۋ جوق, بىراق ەل جاڭا زاماننىڭ اعىسىنا ىلەسۋ ءۇشىن سول زامان تالابىنىڭ وي-شۇقىرىن تانىعان مامانعا ءزارۋ ەدى. سولاردىڭ ءبىرى ۇزەكەڭ بولدى.تەڭىزدىڭ تولقىنى جاعاسىن ۇرعان ۇيالىنىڭ بالىقشىسى قارامان وشاعىنىڭ ءتۇتىنى, ءۇمىتىنىڭ وتى ۇزاقبايعا جاسىنان-اق ءبىلىم الۋدى نىقتاپ قۇلاعىنا قۇيىپ ءوسىرىپتى. ىرزىعىن تەڭىزدەن تاۋىپ جۇرگەن قارامان اقساقالدىڭ سۋداي سىرعىعان ءومىردىڭ قاي باعىتقا بارىپ قۇيارىن الدىن الا بولجاعانى بولار, ايتپەسە كوزىنىڭ قاراشىعى – جالعىز ۇلىن كوزدەن تاسا قىلماي ىعىندا ۇستاسا, ونى ەشكىم سوكپەس ەدى عوي. اكەسىنىڭ ءسوزى مە, جاراتقاننىڭ دارىتقان زەرەكتىگى مەن تالپىنىسى ما, بالا ۇزاقباي جاسىنان-اق بىلىمگە قۇشتارلىعىمەن, قۇيما قۇلاقتىعىمەن تانىلىپتى. «از دا بولسا اقىندىعىڭ بولماسا, ناعىز ماتەماتيك بولۋ مۇمكىن ەمەس», دەپ نەمىس ماتەماتيگى ك.ۆەيەرشتراسس ايتقانداي, جۇرەكتە جاتقان كوڭىل سىرلارىن ولەڭدەتىپ ايتۋ ونەرى بار ما, جوق پا – مەن ونى ءبىلمەيمىن, بىراق ارالدىڭ بالاسى ۇزاقباي جوعارى وقۋ ورنىنا قابىلدايتىن كوميسسيا مۇشەلەرىن ەسەپكە العىرلىعىمەن تاڭعالدىرعان. تاعى ءبىر دانىشپان, ەجەلگى گرەك جازۋشىسى, ويشىل يسوكراتتىڭ «ماتەماتيكا دەگەنىمىز – اقىلدىڭ گيمناستيكاسى…» دەگەن ءسوزى بۇل عىلىمنىڭ ادامدى, ونىڭ ويىن تارتىپكە كەلتىرىپ, ءومىر ۇستانىمدارىنا بەلگىلى ءبىر اسەر ەتەتىنىنە دالەل. شىنىمەن دە ۇزەكەڭمەن قىزمەت بابىندا ارالاسىپ ءجۇرىپ, ول كىسىنىڭ قيسىندى ويلارى مەن جوسپارلى ىستەرىن شاشاۋ شىعارماي جۇزەگە اسىرىپ جاتاتىنا كۋا بولدىم. 1959 جىلى كۋيبىشەۆتىڭ ينجەنەرلىك-قۇرىلىس ينستيتۋتىن بىتىرگەننەن كەيىن تۋعان جەرىنە كەلىپ جۇمىسقا ارالاسقان جاس ۇزاقبايدىڭ ءبىلىمى دە, كۇش-قايراتى دا ەلىنە ارنالدى.كاسىبي قۇرىلىس ينجەنەرى ماماندىعىن العاشقىلاردىڭ قاتارىندا الىپ, ەلدىڭ بولاشاعى ءۇشىن تەر توككەن ۇزەكەڭدى كوپشىلىكتەن ەرەكشەلەگەن ونىڭ ءبىلىمىمەن قاتار, ىسكە دەگەن قۇلشىنىسى ەدى. وندا قاي جۇمىسقا دا نەمقۇرايلى قاراۋ دەگەن بولمايتىن, ونىڭ ۇستىنە ءوزىنىڭ ۇيىمداستىرۋشىلىق قابىلەتىن دە اينالاسىنا بىردەن اڭعارتا ءبىلدى. ءدىنى مەن ءتىلىن ايتپاعاندا, مىنەزى مەن قالىپتاسقان ادەتى, ءبىلىمى مەن تاربيەسى بولەك قانشاما ادامنىڭ باسىن ءبىر ۇجىمعا بىرىكتىرىپ, جۇمىسقا جۇمىلدىرۋدىڭ ءوزى وڭاي شارۋا ەمەس, ال ەندى سول جۇمىستى, اسىرەسە قۇرىلىس ىسىندە ۋاقىتىلى, ساپالى ورىنداۋعا ۇيىمداستىرۋ ناعىز دارىندىلىق دەپ ايتۋعا بولاتىن شىعار. وسىنداي قابىلەت ۇزەكەڭدى قانداي قىزمەتىندە بولسا دا تەك ابىرويعا جەتەلەدى. پرورابتىق قىزمەتتەن تاۋەلسىز قازاقستاننىڭ ۇكىمەتىن باسقارعانعا دەيىنگى ارالىقتاعى قىزمەتتەرىنىڭ بارىندە دە ءوزىنىڭ ازاماتتىق كەلبەتىن جوعالتپاي, ءبىلىمى مەن قابىلەتتەرىن شىڭداي ءبىلدى.تەلەارنالاردان, گازەت-جۋرنالداردان «دەپۋتات» دەگەن ۇعىمدى «حالىق قالاۋلىسى» دەگەن تىركەسپەن ايتىپ ءجۇر. ماعىناسى ۇلكەن, سالماعى اۋىر تىركەس… دەپۋتاتتىقتى قاراقان باسىنىڭ قامى ەتىپ, «پالەنشە دەپۋتات بولىپتى عوي, مەن سودان كەممىن بە» دەگەن قاعيداتپەن ءباسەكە جارىسقا اينالدىرىپ ءجۇرگەن پىسىقايلار كوپ. ۋاقىتىندا ەستىپ جاتاتىنبىز, كەيبىر «مىقتى» ۇمىتكەرلەر سايلاۋ مەرزىمىنەن بىرەر جىلداي بۇرىن اتتارىنا ەر سالىپ, جان-جاققا شابارماندارىن جىبەرىپ, اقىل-كەڭەسشىلەرىن, «جازعىشتارىن», دەمەۋشى-قولداۋشىلارىن دايىنداپ, سولاردىڭ ءبارىن ويلاستىرىپ, دەپۋتاتتىق دوداسىنا كىرىسىپ-اق كەتەتىن. كەيىنگى ۋاقىتتا پارلامەنت سايلاۋى پارتيالار ارقىلى قۇرىلاتىن بولعاندىقتان, وركەنيەتتىلىك قالىبىنا ءتۇسە باستاعان سياقتىمىز.ۇزەكەڭ وتكەن عاسىردىڭ 90-جىلدارىنىڭ ەكىنشى جارتىسىنان باستاپ ەكى-ءۇش مارتە ءوز كانديداتۋراسىن ءماجىلىس دەپۋتاتتىعىنا ۇسىندى. اعامىزدىڭ دەپۋتاتتىقتا دايىندىق جۇمىسى قالاي ءجۇردى دەيسىز عوي. ءبىزدىڭ كوماندامىز ەكى-اق ادامنان تۇراتىن: ۇزەكەڭ – باسشى, مەن – قوسشى. سايلاۋ بولار الدىندا 1-2 اي بۇرىن تەلەفونمەن حابارلاسادى: «ءاي, ابەكە, جۇمىستاسىڭ با؟ دەمالىسىڭ قاشان, ءبىر جاققا كەتەيىن دەپ جاتقان جوقسىڭ با؟» دەپ بابىنا كەلتىرە سۇراپ, ىلگەرىندى-كەيىندى جوسپارلارىمدى ءبىلىپ الادى دا: «ەكەۋمىز بىرگە ءبىر شارۋانى ءبىتىرۋىمىز كەرەك ەدى», دەپ پالەنشە ۋاقىتتا باراتىنىن ەسكەرتىپ قويادى. شارۋا – دەپۋتاتتىق دوداعا دايىندىق جۇمىستارى. كەلگەننەن كەيىن ءوزى تۋرالى, ءوزىنىڭ حالىق الدىنداعى مىندەتتەرى مەن ولاردى شەشۋ جولدارى تۋرالى جازىلاتىن ماتىندەردى ۇزەكەڭنىڭ باسشىلىعىمەن قۇراستىراتىنبىز. مەن دە ول كىسى سياقتى قۇرىلىسشى ينجەنەرمىن, سوندىقتان مۇنداي ىسكە قالامى جۇيرىك ازاماتتاردى شاقىرساق دەگەن پىكىرىمدى ۇزەكەڭ قابىلدامايتىن. «وسى شارۋاعا ەكەۋمىز دە جەتەمىز», دەپ مەنىڭ كەيبىر «مانەرلەۋگە تالپىنعان جازبالارىمدى» قولپاشتاپ, كوتەرمەلەپ قوياتىن.جازاتىن دا ءوزىمىز, رەداكتور دا ءوزىمىز, ديزاينەر دە ءوزىمىز, ياعني باسۋعا دايىندالعان ماتەريالداردىڭ ءتۇر-ءتۇسىن انىقتاپ, باسىلاتىن داناسىن بەلگىلەيتىن دە ءوزىمىز. ماتەريالداردى كىمگە, قاشان جىبەرۋ كەرەكتىگىن ۇزەكەڭ بىزگە ايتىپ, تاپسىرمالارىن بەرىپ اتتانىپ كەتەتىن. قولىمىزدان كەلگەنشە بار ءىستى اعامىزدىڭ ايتقان مەرزىمدى ۋاقىتىندا اتقارۋعا ۇمتىلاتىنبىز. قۇجاتتاردىڭ بارلىعىن جىبەرگەننەن كەيىن ۇزەكەڭە ساتتىلىك تىلەۋمەن بولاتىنبىز. وسىلايشا ءار سايلاۋ ناۋقانى اياقتالعانشا بىزدە دەگبىر قالمايتىن – بار ويىمىز: ەگەر قارامانوۆ دەپۋتاتتىققا سايلانباي قالسا, وندا ول ءبىزدىڭ ماتىندەردى دۇرىس قۇراستىرماعانىمىزدان بولادى دەپ قاتتى مازاسىزداناتىنبىز. بىراق ۇزەكەڭ قانشاما رەت دەپۋتات بولدى – ءبارى دە حالىقتىڭ قالاۋىمەن بولعان دۇنيە ەدى. ءوزى سايلانعان وڭىرلەردىڭ قيىندىقتارى مەن مۇقتاجدىقتارىن كابينەتتە ءشىرەنە وتىرىپ شەشكەن جوق, ۇنەمى حالىق اراسىنان تابىلدى. قاي وڭىردەن سايلانسا دا, حالىقتىڭ وزىنە ارتقان سەنىمىن ادالدىقپەن اقتاي ءبىلدى.ماقالانى ادامنىڭ تۋعان جەرمەن تامىرلاس ەكەندىگىمەن باستاعان بولاتىنمىن. ۇزەكەڭ ءوزى تۋىپ-وسكەن ارالىن گۇلدەندىرۋ جۇمىسىنان تىس قالىپ كورگەن ەمەس. ارالدىڭ ايدىنى 60-جىلداردىڭ باسىنان باستاپ تارتىلا باستاعاندا, ونداعى حالىقتىڭ كوڭىلى دە, تۇرمىسى دا ءوز نارىنەن تارتىلعانداي بولىپ ەدى. «شامنىڭ جارىعى تۇبىنە ءتۇسپەيدى» دەگەندەي, سىرى شالقىپ, تەڭىزى تەلەگەي بولىپ جاتقاندا دا ءوڭىر حالقىنىڭ اۋىز سۋعا زارۋلىگى ءاردايىم وزەكتى بولىپ كەلگەن. «جەتى كۇن جاۋعان جاڭبىردان جەلىپ وتكەن سۋ ارتىق», جاراتقاننان قول جايىپ قانشا سۇراساڭ دا, ارال ءوڭىرىنىڭ كۇيىپ تۇرعان توپىراعىنا تامشى تامبايتىن كەزدەرى كوپ بولادى. ال كوكتەن تۇسەتىن ءنار كوزىنەن باسقا قالىڭ حالىقتىڭ وزدىگىنەن اۋىز سۋعا قول جەتكىزۋى – قيىننىڭ قيامەتى: قالاداعى ءبىرنەشە عانا شۇمەكتەن اعاتىن سۋدى يىناعاشپەن شەلەكتەپ تاسيتىن. مىنە, وسى كەزدە بويىنداعى جالىنىمەن جارقىراپ ىسكە كىرىسكەن ۇزاقباي قارامانوۆقا ارال-امانوتكەل سۋ قۇبىرىن تارتۋ جۇمىسى تاپسىرىلدى. 99 شاقىرىمدىق بۇل ارنا قۇرىلىسى وسى ءوڭىر ءۇشىن دە, كەڭەس وداعى ءۇشىن دە حح عاسىردىڭ ەڭ ۇلكەن ءارى ماڭىزدى نىسانى بولدى. حالىق يگىلىگىنە جاسالعان بۇل جۇمىستى ابىرويمەن اتقارعان ۇزەكەڭنىڭ دە كوڭىلى مارقايدى: اۋىز سۋ ءار ءۇيدىڭ اۋلاسىنا اكەلىنىپ, قىز-كەلىنشەكتەر مەن بالالار «قىرىمنان» سۋ تاسۋ ازابىنان قۇتىلدى, ەسىك الدىنا باۋ-باقشا ەگۋ مۇمكىندىگى اشىلدى. ءابدىلدا تاجىباەۆتىڭ كەيىپكەرى تولاعايدىڭ تامشىسىز قالعان ەلگە جاڭبىر جاۋدىراتىن تاۋ اكەلگەنى بىلاي سۋرەتتەلىپتى:تاڭداپ ءجۇرىپ تاۋ جوتاسىنتالعاي قاراپ ورمان, تاسىنتارباعاتاي ۇيىرىنەن,تولاعايى تاڭداپ الدى.كوڭىلى سۇيگەن ءبىر شاتقالدىۇزاق ىرعاپ ءبولىپ الدىوركەشتەنگەن تۇيىنىنەن,باسىنداعى قارىن قوسا,باۋرىنداعى اڭىن قوسا,شايقاپ بۇلاق, كوك ورماندى,كۇشپەن ارەڭ الدى-داعى,ارقاسىنا سالدى-داعىكەلگەن ىزبەن قايتا ورالدى.ۇزەكەڭنىڭ – جىگەرى تاسىعان جاس جىگىتتىڭ سول 60-جىلداردىڭ باسىندا ورىنداعان جۇمىسى وسىنداي تولاعاي ەڭبەكپەن كەلگەن. سول ەڭبەك ءالى دە جالعاسىپ كەلەدى: ۇزەكەڭ ارال تەڭىزىندە كوكارال بوگەتىن تۇرعىزۋ, سىرداريا ارناسىن رەتتەۋ جۇمىستارىنىڭ دا باسى-قاسىندا بولدى, بۇل جۇمىستاردى ءالى دە باقىلاۋىندا ۇستاپ كەلەدى. دەپۋتات بولىپ جۇرگەن كەزىندە ەلدى الەۋمەتتىك-مادەني جاعىنان دامىتۋ شارالارىن قولعا الىپ, مەكتەپتەر, ستاديون, ەمحانالار سالدىردى. جارتى عاسىردان استام ۋاقىت حالىققا قىزمەت ەتكەن سۋ قۇبىرىنىڭ توزىعى جەتىپ, وعان دا جوندەۋ جۇمىستارى جاسالدى. مىنە, بۇنىڭ ءبارى – ۇزەكەڭنىڭ ءوز ىسىنە ادالدىعىنىڭ بەلگىسى.پەندەشىلىكپەن كەيدە بىرەۋدىڭ سىرتىنان بىرەۋ عايبات ءسوز ايتىپ جاتاتىن كەز بولادى, ال ۇزەكەڭ تۋرالى مەن ەشكىمنەن ەشقانداي تەرىس پىكىر ەستىگەن جوقپىن. قانشاما قىزمەتتە بولدى, ءىرىلى-ۇساقتى لاۋازىمدارعا تاعايىندالدى, مەملەكەتتىك بيلىك باسىندا بولدى, تالاي رەفورمالىق شارالاردى باسقاردى, بەلگىلى ءبىر وڭىرلەردى دامىتۋ تۇتقاسىن ۇستاپ تۇردى – بارىندە دە ول كىسى ادالدىعىنان تايمادى. ارتىنان جامان ءسوز ەرمەدى, ەشكىمنىڭ كوڭىلى قالىپ, وكپەسىن ارقالامادى. بيلىك باسىندا ءجۇرىپ, ءوزىنىڭ ار-وجدانىنا كىر كەلتىرمەي, حالىق الدىنداعى ابىرويىن ول قىزمەتتەن كەتكەننەن كەيىن دە اسقاقتاتا بىلگەن ساناۋلى ادامداردىڭ ورتاسىنان قايدا جۇرسە دە ادالدىقتىڭ ءيسى اڭقىعان ۇزاقباي اعامىزدى ءبولىپ ايتۋعا بولادى. حالىق الدىنداعى ادال ەڭبەگى ونىڭ ادامي جاراتىلىسىمەن وزەكتەسە كەلەدى. «ادالدىق جۇرگەن جەردە ادامدىق جۇرەدى» دەگەن قازاق.بالالىق شاعىندا سانسىز قۇستىڭ قۇتتى, ۇيالى مەكەنىنە اينالعان ۇيالى اۋىلىنان ۇزەكەڭ دە ءوز ۇياسىن تۇرعىزدى. سول اۋىلدان تۇلەپ ۇشىپ, ءبىر مەكتەپتەن قانات قاققان ۇلداي قىزبەن باس قوسىپ, وتباستارىندا اسقار, نۇرلان, داۋلەت اتتى ۇلدارى دۇنيەگە كەلدى. ۇلداي جەڭگەمىز اعامىزعا ادال جار, بالالارىنا اسىل انا بولۋمەن قاتار, ەلىمىزدىڭ باس پروكۋراتۋراسىندا جۇمىس ىستەپ, پولكوۆنيك شەنىندە زەينەتكە شىقتى. ۇلدارى قادىرلى ازامات بولىپ, وزدەرى دە ۇل-قىز ءوسىرىپ وتىرعان وركەندى وتباسى. قازىر ۇلداي جەڭگەمىز بەن ۇزاقباي اعامىز ەكەۋى بالالارى مەن نەمەرەلەرىنىڭ قىزىعىنا بولەنىپ, ەگەمەن قازاقستانىمىزدىڭ ەرتەڭىن قۇراتىن ۇرپاقتاردى تاربيەلەپ وتىر.ابدىساعيت تاتىعۇلوۆ,قر ۇلتتىق ينجەنەرلىك اكادەمياسىنىڭ اكادەميگى, مەملەكەتتىك سىيلىقتىڭ لاۋرەاتى.