سەيسەنبى, 31 شىلدە 2012 7:16
تاۋەلسىزدىك جىلدارى قازاق تىلىنە دەگەن كوزقاراس وزگەردى. ءبارىن ايت تا ءبىرىن ايت, وزگە ۇلتتاردىڭ وكىلدەرى تىلىمىزگە دەن قويا باستادى. دەسەك تە, 20 جىلدىڭ ىشىندە جيىرما ءسوز ۇيرەنە الماعان باۋىرلارىمىز دا بار ەكەنى ەسكە تۇسكەندە ەڭسەڭ ەزىلىپ, ءبىر ءتۇرلى كۇي كەشەدى ەكەنسىڭ. ۇرپاق بويىنا ۇلتجاندىلىق قاسيەتتەردى قالاي سىڭىرەمىز؟ بايىپتاپ قاراساڭىز, ەلىمىزدىڭ تەلەديدار باعدارلاماسى رەسەيدىڭ كوشىرمەسى سياقتى, سولارشا وي تولعاپ, سولارشا شۇلدىرلەپ جاتامىز.
سەيسەنبى, 31 شىلدە 2012 7:16
تاۋەلسىزدىك جىلدارى قازاق تىلىنە دەگەن كوزقاراس وزگەردى. ءبارىن ايت تا ءبىرىن ايت, وزگە ۇلتتاردىڭ وكىلدەرى تىلىمىزگە دەن قويا باستادى. دەسەك تە, 20 جىلدىڭ ىشىندە جيىرما ءسوز ۇيرەنە الماعان باۋىرلارىمىز دا بار ەكەنى ەسكە تۇسكەندە ەڭسەڭ ەزىلىپ, ءبىر ءتۇرلى كۇي كەشەدى ەكەنسىڭ. ۇرپاق بويىنا ۇلتجاندىلىق قاسيەتتەردى قالاي سىڭىرەمىز؟ بايىپتاپ قاراساڭىز, ەلىمىزدىڭ تەلەديدار باعدارلاماسى رەسەيدىڭ كوشىرمەسى سياقتى, سولارشا وي تولعاپ, سولارشا شۇلدىرلەپ جاتامىز. وزىمىزگە, ۇلتتىق سالت-داستۇرىمىزگە ءتان وزگەرىستەر ەنگىزسە دەپ ارماندايسىڭ. ماسەلەن, بالدىرعاندار ءۇشىن بۇرىنعى وتكەن اتا-بابالارىمىز, ەلىن, جەرىن قورعاپ, جاۋعا شاپقان باتىرلار تۋرالى جىرلار جەلىسىمەن ەرتەگى, قازاقشا مۋلتفيلمدەر كورسەتىلسە دەگەن تىلەك بار. بىزبەن كورشى, ءدىنى ءبىر وزبەك اعايىندار تەلەديداردان اپتا سايىن «اتالار ءسوزى, اقىلدىڭ كوزى» باعدارلاماسىن كورسەتەدى ەكەن. نەگىزگى ماقسات – بالالاردى ۇلكەندى, اتا-انانى سىيلاۋعا باۋلۋ, بۇزاقىلىق پەن ناشاقورلىقتان ساقتاندىرۋ. سول سياقتى, ءبىز دە تەلەباعدارلامالارداعى وزگە تىلدەگى كينوفيلمدەر, مۋلتفيلمدەردى ازايتىپ, تولە, قازىبەك, ايتەكە تاعى دا باسقا بي-شەشەن بابالارىمىزدىڭ ونەگەسى مەن دانالىعىن جاستارعا ۇسىنساق, قانە.يمان شاۋدىر ۇلى,رۋدنىي قالاسىنىڭ تۇرعىنى.قوستاناي وبلىسى.